फॅन्सी नंबरप्लेटवर मालवणात कारवाई

36489
मालवण ः अशा फॅन्सी नंबरप्लेटवर पोलिसांनी कारवाई केली.

फॅन्सी नंबरप्लेटवर मालवणात कारवाई
मालवण, ता. १६ ः कर्णकर्कश बुलेट चालकांवर येथील पोलिसांनी कारवाईचा बडगा उगारला. सोबतच फॅन्सी नंबरप्लेट असणाऱ्या दुचाकी व ट्रिपलसीट चालकांवरही धडक कारवाई मोहीम पोलिसांनी हाती घेतली आहे.
पोलिस निरीक्षक विजय यादव यांच्या मार्गदर्शनाखाली वाहतूक पोलिस गुरुप्रसाद परब व अमित हरमलकर यांच्या माध्यमातून ही कारवाई मोहीम सुरू आहे. दुचाकीच्या नंबरप्लेट फॅन्सी स्वरुपात असतील तर त्या बदलून नियमानुसार नंबरप्लेट असाव्यात, शाळा-महाविद्यालयीन विद्यार्थ्यांकडे परवाना नसल्यास कोणीही त्यांच्याकडे दुचाकी देऊ नये, पालकांनीही याबाबत काळजी घ्यावी. सर्वांनी वाहतूक नियमांचे पालन करावे, असे आवाहन पोलिस निरीक्षक विजय यादव यांनी केले.