कणकवली : शाळा सफाई

L३७१७६

भिरवंडे : येथील शाळा नं. १ मधील स्वच्छतागृहाची ग्रामस्थांनी सफाई आणि दुरुस्ती केली.
------------------

भिरवंडे प्रशालेतील स्वच्छतागृहांची ग्रामस्थांकडून साफसफाई
कणकवली, ता. १९ : तालुक्‍यातील केंद्रशाळा भिरवंडे नं. १ येथील समस्येच्या गर्तेत सापडलेल्या शौचालय व स्वच्छतागृह यांच्या आजूबाजूला वाढलेल्या अनावश्यक झुडपांची तोड करून सफाई करण्यात आली. तसेच, नादुरुस्त आणि गळके छप्पर, पत्रे घालून दुरुस्त केल्याने या शौचालय- स्वच्छतागृह इमारतींनी मोकळा श्वास घेतला आहे.
गुरुपौर्णिमेच्या दिवशी जिल्‍हा परिषदेचे माजी अध्यक्ष संदेश ऊर्फ गोट्या सावंत यांनी भिरवंडे नं. १ शाळेला भेट दिली होती. त्या वेळी त्‍यांना प्रशालेतील स्वच्छतागृहाची दुरवस्था निदर्शनास आली. या धोकादायक स्थितीतच विद्यार्थी सुविधांचा वापर करीत होते. परिस्थितीचे गांभीर्य ओळखून संदेश ऊर्फ गोट्या सावंत यांनी भिरवंडे ग्रामस्थांच्या मदतीने तत्काळ दुरुस्तीस सुरुवात केली. त्यामुळे पालक व विद्यार्थ्यांनी समाधान व्यक्त केले. दुरुस्तीवेळी छप्पर खाचांमध्ये सरपटणाऱ्या प्राण्यांचा अधिवास दिसून आला होता. त्यामुळे या तात्कालिक दुरुस्तीमुळे मोठा अनर्थ टळला असल्याची भावना पालक व ग्रामस्थांनी व्यक्‍त केली.