मालवणातील पाणी निचऱ्याचा प्रश्न लवकरच लागणार मार्गी

37221
मालवण ः मेकॅनिकल रोड येथे साचणाऱ्या पाणीप्रश्न पाहणी करताना भाजप पदाधिकारी, पालिका कर्मचारी व नागरिक.

मालवणचा पाणी निचऱ्याचा
प्रश्न लवकरच लागणार मार्गी
मालवण, ता. १९ : शहरातील पोष्ट ऑफिससमोरील मेकॅनिकल रोड येथे सतत साचणाऱ्या पाण्याचा प्रश्न भाजपच्या पुढाकारातून मार्गी लागणार आहे. या ठिकाणी गटार खोदाई करून त्यावर लाद्या टाकण्याच्या सूचना पालिका प्रशासनास देण्यात आल्या आहेत. यावर तत्काळ कार्यवाही व्हावी, अशी मागणीही प्रशासनाकडे केली.
पावसाळी कालावधीनंतर रस्त्यावर मधोमध दोन ठिकाणी सिमेंट काँक्रिट गटार उभारणी केली जाईल. पावसाळी कालावधीत येथील सर्व पाण्याचा निचरा होण्यासाठी प्रयत्न असल्याचे माजी नगराध्यक्ष सुदेश आचरेकर, माजी नगरसेवक दीपक पाटकर यांनी सांगितले. आज शहरातील मेकॅनिकल रोड येथील साचलेल्या पाणी परिसराची भाजप पदाधिकाऱ्यांनी पालिका अधिकारी, कर्मचाऱ्यांच्या उपस्थितीत पाहणी केली. यावेळी माजी नगराध्यक्ष सुदेश आचरेकर, माजी नगरसेवक दीपक पाटकर, युवा मोर्चा शहर अध्यक्ष ललित चव्हाण, आबा हडकर, राजू बिडये आदी उपस्थित होते.