सावंतवाडीतील वृद्धास संविताश्रमाचा आधार

38552
सावंतवाडी ः निराधार वृद्धासोबत ‘सामाजिक बांधिलकी’चे पदाधिकारी.

सावंतवाडीतील वृद्धास
संविताश्रमाचा आधार
सावंतवाडी ः शहरात निराधार अवस्थेत असलेल्या एका वृद्धाला आज ‘सामाजिक बांधिलकी’च्या पदाधिकाऱ्यांनी पणदूर येथील संविता आश्रमात दाखल केले. यावेळी त्या वृद्धाने संस्थेच्या पदाधिकाऱ्यांचे आभार मानले. रजपूत असे संबंधित व्यक्तीचे नाव आहे. काही वर्षांपूर्वी ते सावंतवाडीत हमालीचा व्यवसाय करीत होते; परंतु आता वृद्धापकाळामुळे त्यांना हा व्यवसाय करणे शक्य नसल्यामुळे ते येथील बसस्थानकाच्या आवारात गेले अनेक महिने राहात होते. त्यांच्या जेवणाचे हाल होत असल्याचे लक्षात आल्यानंतर यासाठी ‘सामाजिक बांधिलकी’ संस्थेचे अध्यक्ष रवी जाधव, विशाल पई, संजय पेडणेकर, संदीप कांबळे, सत्यवान जाधव यांनी पुढाकार घेतला.