टुडे पान एक-बांद्यात दिसणार ''महिलाराज''

L40709
बांदा ग्रामपंचायत.

बांद्यात दिसणार ''महिलाराज''
आरक्षण सोडत ः १५ पैकी ८ जागा महिलांसाठी राखीव
सकाळ वृत्तसेवा
बांदा, ता. ४ ः शहर ग्रामपंचायतीच्या १५ जागासाठी आरक्षण सोडत काढण्यात आली आहे. ८ जागा महिलांसाठी राखीव झाल्याने ग्रामपंचायतीत महिलाराज असणार आहे.
प्रभाग क्रमांक १ हा नागरिकांचा मागासवर्ग प्रवर्ग १ जागा व सर्वसाधारण स्त्रीसाठी २ जागा राखीव झाल्या आहेत. या प्रभागात देऊळवाडी, मिठगुडीवाडी, लकरकोट, सटवाडी या वाड्यांचा समावेश आहे. प्रभाग क्रमांक २ मध्ये नागरिकांचा मागासवर्ग प्रवर्ग स्त्री १ जागा, सर्वसाधारण स्त्री १ जागा व सर्वसाधारण १ जागा, असे आरक्षण आहे. या प्रभागात उभाबाजार, मोर्येवाडी, मुस्लिमवाडी या वाड्यांचा समावेश आहे. प्रभाग क्रमांक ३ मध्ये अनुसूचित जाती १ जागा, सर्वसाधारण स्त्री १ जागा व सर्वसाधारण १ जागा असे आरक्षण आहे. या प्रभागात निमजगा, गवळीटेम्ब, गडगेवाडी, शेटकरवाडी या वाड्यांचा समावेश आहे. प्रभाग क्रमांक ४ मध्ये नागरिकांचा मागासवर्ग प्रवर्ग १ जागा, सर्वसाधारण स्त्री १ जागा व सर्वसाधारण १ जागा असे आरक्षण आहे. या प्रभागात पानवळ, डोंगरवाडी या वाड्यांचा समावेश आहे. प्रभाग क्रमांक ५ मध्ये नागरिकांचा मागासवर्ग प्रवर्ग स्त्री १ जागा, सर्वसाधारण स्त्री १ जागा व सर्वसाधारण १ जागा असे आरक्षण आहे. या प्रभागात हॉस्पिटल कट्टा, काळसेवाडी, सुतारवाडी, हरिजनवाडी या वाड्यांचा समावेश आहे. एकूण १५ पैकी ८ जागा या महिलांसाठी राखीव आहेत. बांदा ही जिल्ह्यातील सर्वात मोठी ग्रामपंचायत असल्याने निवडणुकीसाठी अनेकांनी मोर्चेबांधणी सुरु केली आहे. सद्यस्थितीत ग्रामपंचायतीवर भाजपची सत्ता आहे.
----------------