विवाहितेवर अत्याचार प्रकरणी एकावर गुन्हा

विवाहितेवर अत्याचार
प्रकरणी एकावर गुन्हा
सकाळ वृत्तसेवा
वेंगुर्ले, ता. ४ ः तालुक्यातील एका विवाहित महिलेबरोबर मैत्रीपूर्ण संबंध बनवून तिच्याशी वर्षभर मनाविरुध्द शारीरिक संबंध ठेवल्याची व त्याचे अश्लील फोटो, व्हिडिओ काढून ते तिच्या आई-वडिलांना दाखवण्याची वेळोवेळी भीती दाखविल्याप्रकरणी किशोर वरक याच्याविरुध्द येथील पोलिसात तक्रार दाखल झाली आहे. अश्लील फोटो तिच्या पतीस पाठवून तिची बदनामी केल्याचेही तक्रारीत म्हटले आहे. त्याचप्रमाणे तिला, तिचे आई-वडील व पतीस ठार मारण्याची धमकी दिली. या विवाहितेच्या तक्रारीनुसार निवती पोलिसात किशोर वरक याच्यावर गुन्हा दाखल झाला आहे. अधिक तपास वेंगुर्ले पोलिस निरीक्षक अतुल जाधव करीत आहेत.