दाभोळ- अंधेरी मुंबई - दापोली 250 किमी सायकलने | Sakal
sakal

बोलून बातमी शोधा

दाभोळ- अंधेरी मुंबई - दापोली 250 किमी सायकलने
दाभोळ- अंधेरी मुंबई - दापोली 250 किमी सायकलने

दाभोळ- अंधेरी मुंबई - दापोली 250 किमी सायकलने

sakal_logo
By

फोटो ओळी
-rat१p२०.jpg- KOP२२L४७०७९दापोली ः अंधेरीहून दापोलीत सायकलने आलेले अजय आणि सूरज मोरे.
-------------------

सायकलफेरीतून पर्यावरणपुरक गणेशाचा संदेश

अजय मोरे, सूरज भुवड यांचा अंधेरी-दापोली प्रवास ; सायकलिंगमुळे सुदृढ आरोग्य

दाभोळ, ता. १ ः दापोली सायकलिंग क्लबचे अजय मोरे आणि सूरज भुवड यांनी अंधेरी मुंबई ते दापोली असा २५० किमीचा प्रवास करण्यासाठी सायकलची निवड केली. या सायकल प्रवासात त्यांनी पर्यावरण पूरक गणपती उत्सव याबद्दल जनजागृती केली.
कोकणात गणपती उत्सव मोठ्या उत्साहाने साजरा होतो. त्यासाठी मुंबई, पुणे आणि इतर शहरातून गावी कोकणात जाण्यासाठी लगबग सुरु होते, वेगवेगळ्या वाहनांनी प्रवास करत लोकं गावी पोहोचत असताना अजय मोरे आणि सूरज भुवड यांनी वेगळा पंथ निवडला.नोकरीनिमित्त मुंबईत वास्तव्याला असलेल्या अजय मोरे आणि सूरज भुवड यांचे गाव दापोली तालुक्यातील लाडघर व आंबवली आहे. हा २५० किमीचा सायकल प्रवास त्यांनी बुधवारी (ता. ३१ ऑगस्ट) एका दिवसात पूर्ण केला. त्यांचा मार्ग अंधेरी, पनवेल, खोपोली, पाली, माणगाव, महाड, लाटवण घाट, पालगड, दापोली असा होता. सकाळी ४ वाजता अंधेरीहून सुरु झालेला सायकल प्रवास रात्री ११ वाजता दापोली येथे संपला. या खडतर सायकल प्रवासात ठिकठिकाणी स्वागत, पाहुणचार आणि गप्पा गोष्टी झाल्या. पर्यावरण पूरक गणपती उत्सव हा संदेश घेऊन निघालेल्या त्यांना सायकल प्रवासासाठी शुभेच्छा मिळाल्या त्यामुळे सर्व थकवा गायब झाला असे त्यांनी सांगितले.
सायकल चालवण्याचे अनेक फायदे आहेत. त्यामुळे दैनंदिन जीवनात अजय आणि सूरज सायकलचा वापर अधिक प्रमाणात करतात. ऑफिस आणि बाजारात जाण्यासाठी ते अनेक वेळा सायकलचा वापर करतात, त्यामुळे त्यांचे आरोग्य तंदुरुस्त बनले आहे, अनेक वर्षांपासून ते आजारी पडले नाहीत असे त्यांचे गणपती बाप्पाची कृपा आणि सर्वांच्या सदिच्छा यामुळेच हा सायकल प्रवास यशस्वी सुखरुप झाला असे त्यांचे मत आहे. सर्वांनी तंदुरुस्त आरोग्यासाठी सायकल चालवावी असे त्यांनी आवाहन केले आहे.

Web Title: Todays Latest Marathi News Kop22y92481 Txt Ratnagiri

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..