किंगकोब्रा बाळगल्याप्रकरणी न्यायालयीन कोठडी | Sakal
sakal

बोलून बातमी शोधा

किंगकोब्रा बाळगल्याप्रकरणी न्यायालयीन कोठडी
किंगकोब्रा बाळगल्याप्रकरणी न्यायालयीन कोठडी

किंगकोब्रा बाळगल्याप्रकरणी न्यायालयीन कोठडी

sakal_logo
By

किंगकोब्रा बाळगल्याप्रकरणी
तरुणाला न्यायालयीन कोठडी
सकाळ वृत्तसेवा
दोडामार्ग, ता. ८ः पाळयेत येथे दुर्मिळ प्रजातीचा किंगकोब्रा साप अवैधरित्या बाळगल्याप्रकरणी अटकेत असलेल्या राहुल निरलगी या तरुणाचा जामीन आज न्यायालयाने नाकारला. त्याला चौदा दिवसांची न्यायालयीन कोठडी सुनावल्याची माहिती वनक्षेत्रपाल मदन क्षीरसागर यांनी दिली. त्याने अजूनही मोबाईल व किंग कोब्रा साप ताब्यात दिलेला नाही. तसेच तो तपासात सहकार्य करीत नसल्याचे त्यांनी सांगितले.
पाळयेत सोमवारी (ता. ५) सायंकाळी पकडलेला दुर्मिळ किंगकोब्रा प्रजातीचा साप अवैधरित्या बाळगून त्याचे चित्रीकरण करणे, प्रदर्शन करणे यासाठी कथित सर्पमित्र राहुल विजय निरलगी याला वनविभागाने मंगळवारी ताब्यात घेतले होते. त्याला न्यायालयात हजर केले असता एक दिवसाची वनकोठडी सुनावली होती. त्यानंतर त्याला आज न्यायालयात हजर केले असता चौदा दिवसांची न्यायालयीन कोठडी सुनावण्यात आली. राहुल निरलगी एका एनजीओ अंतर्गत काम करत होता. गेले दोन-तीन दिवस तो पाळये येथे दिसून येणाऱ्या किंगकोब्रा सापाच्या पाळतीवर होता. किंगकोब्राला पकडण्यापूर्वी वनविभागाला पूर्वकल्पना देणे गरजेचे आहे, हे माहिती असून देखील त्याने दोडामार्ग येथील स्थानिक वन अधिकारी-कर्मचारी यांना कोणतीही पूर्वकल्पना न देता तो साप अवैधरित्या पकडून ताब्यात ठेवला.
दोडामार्ग वनपरिक्षेत्र कार्यालयाला सायंकाळी याची गुप्त माहिती मिळताच या तरुणाची व त्याच्या ताब्यात असलेल्या किंगकोब्रा सापाचा शोध सुरू झाला. आरोपी नीरलगी याच्याशी वन अधिकारी व कर्मचाऱ्यांनी फोनवर वारंवार संपर्क साधण्याचा प्रयत्न सुरू ठेवला; परंतु रिंग होऊन देखील त्याने कुणाचाही फोन उचलला नाही किंवा दुर्मिळ किंगकोब्रा वन विभागाच्या ताब्यात दिला नाही. त्यामुळे त्याला अटक केली होती.

Web Title: Todays Latest Marathi News Kop22y94644 Txt Sindhudurg

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..