सखी वन स्टॉप सेंटरचा दुसरा वर्धापन दिन

rat१६२८.txt

(टुडे पान २ साठी)

फोटो ओळी
-rat१६p२४.jpg-
८३१८०
रत्नागिरी : सखी वन स्टॉप सेंटरच्या दुसऱ्या वर्धापनदिनी महिलांना सखी सन्मान देऊन गौरवण्यात आले.
---
सखी वन स्टॉप सेंटरचा दुसरा वर्धापन दिन

रत्नागिरी, ता. १८ : केंद्र शासन पुरस्कृत जिल्हा महिला व बाल विकास विभाग मान्यताप्राप्त व भाकर सेवा संस्था संचलित सखी वन स्टॉप सेंटरचा दुसरा वर्धापनदिन सोहळा साजरा करण्यात आला.
या वेळी जिल्हा शल्यचिकित्सक डॉ. संघमित्रा फुले, जिल्हा महिला व बाल विकास अधिकारी आर. बी. काटकर, सखी व्यवस्थापन समिती अशासकीय सदस्य जान्हवी पाटील, बाल न्याय मंडळ सदस्या विनया घाग, पोलीस हेड कॉन्स्टेबल आदिती राउळ, भाकर सेवा संस्थेचे संस्थापक देवेंद्र पाटील, संचालक पवनकुमार मोरे प्रमुख पाहुणे म्हणून उपस्थित होते. सखी वन स्टॉप सेंटरच्या केंद्राप्रशासक अश्विनी मोरे यांनी प्रास्ताविक केले. सामाजिक कार्य करणाऱ्या महिलांना सखी सन्मान देऊन गौरवण्यात आले. त्यामध्ये ग्रामजीवन आधार संस्था, शिरीषा मयेकर, नेत्रा राजेशिर्के, निहा साळवी, ऐश्वर्या विचारे, दीपलक्ष्मी माणगावकर, मुक्ता भोसले, कोमल कदम, डॉ. पल्लवी गद्रे, अॅड. विनया घाग, रेश्मा आवटी, अर्चिता रबसे, संपदा सावंत, अॅड. अकल्पिता चक्रदेव, जया कांबळे, पूजा अलकुटे, शिवानी पाटील, मोहिनी मिरवणकर, साक्षी कळंबटे, दीक्षिता मयेकर, अॅड. खादिजा प्रधान, खातू, शोभना कांबळे यांना गौरवण्यात आले. भाकर सेवा संस्थेचे संस्थापक देवेंद्र पाटील यांनी मनोगत व्यक्त केले व सखीच्या पुढील वाटचालीसाठी शुभेच्छा दिल्या. सखी सेंटरचे पोलिस सुलभता अधिकारी मोहन पाटील यांनी आभार मानले.
--
स्पर्धांमधील विजेते
मोबाईल फोनचे व्यसन व हिंसाचार मुक्त परिवार या विषयावर विद्यार्थ्यांसाठी पोस्टर मेकिंग व निबंध स्पर्धा घेण्यात आल्या. त्यातील विजेत्यांना बक्षीस देण्यात आले. निबंध स्पर्धा- गट क्र. १ माही वनकर, श्रेया मोरे, स्निग्धा भोळे व रिया वेलोंडे यांनी यश मिळवले. गट क्र. २ मध्ये पायल कासेकर, आसिया अत्तरवाले, साहिल बारे, रिद्धी नागवेकर यांनी क्रमांक मिळवले. पोस्टर मेकिंग गट क्र. १ मध्ये मृगजा जुवेकर, अपूर्वा गावडे, श्रुती बोरकर, प्रथम शिंदे, गट क्र. २ साहिल मोवळे, इशिका बाईंग, आशिष बाईत, कस्तुरी गुरव यांनी यश मिळवले.