मानव जातीच्या कल्याणासाठी प्रबोधन

85574
कुडाळ ः संत गरीबदास महाराज बोध दिवसानिमित्त मानव जातीच्या कल्याणासाठी शोभायात्रा काढण्यात आली. (छायाचित्र ः अजय सावंत)

मानव जातीच्या कल्याणासाठी प्रबोधन

गरीबदास महाराज बोधदिन; कुडाळातील शोभायात्रेला प्रतिसाद

कुडाळ, ता. २७ ः संत गरीबदास महाराज बोध दिवसानिमित्त संपूर्ण मानव जातीच्या कल्याणासाठी अध्यात्मिक ज्ञान तसेच व्यसनमुक्ती, हुंडामुक्त विवाह, भ्रष्टाचार मुक्त समाज, रक्तदान यांचे महत्त्व आदी उपक्रमांचा देशभर प्रचार व्हावा, यासाठी शहरात काल (ता. २६) शोभायात्रा काढण्यात आली
देशभरात संस्थेच्या माध्यमातून निःशुल्क सत्संग, विविध भंडारे आयोजित होत असतात. शहरात प्रत्येक महिन्याला सत्संग कार्यक्रम होतो. जिल्हाभरात जगतगुरू तत्त्वदर्शी संत रामपालजी महाराजांचे हजारो अनुयायी असून ते संत रामपालजी महाराजांच्या आध्यात्मिक ज्ञानाने प्रेरित होऊन आपले जीवन सुखाने जगत आहे. सत्संगाच्या माध्यमातून संत रामपालजी महाराज चार वेद, सहा शास्त्रे, अठरा पुराण, पवित्र कुराण शरिफ, पवित्र बायबल, पवित्र गुरु ग्रंथ साहिब, सूक्ष्म वेद आदी पवित्र ग्रंथांतील परमात्म्याचे गूढ रहस्य, दिव्य मंत्रांची ओळख करून देतात. जगण्याच्या मार्गातून मुक्तीच्या मार्गाचा अनुभव दिला जातो. अध्यात्मिक ज्ञान प्रचार प्रसारासाठी शोभायात्रेचे आयोजन करण्यात आले, अशी माहिती भाविक व ज्येष्ठ नागरिक दिलीप माने यांनी दिली. ही शोभायात्रा संजूचीवाडी एलआयसी कॉलनी-पोस्ट ऑफिस ते डॉ. बाबासाहेब आंबेडकर पुतळा, आंबेडकरनगर, अशी काढून सांगता केली. रॅलीत दिलीप माने, गोविंद नाईक, अभिनाथ परब, महादेव सांवत, श्रीकृष्ण खांदारे आदींसह महाराजांचे सर्व शिष्य, मुले, पुरुष महिला, ज्येष्ठ नागरिकांसह दुचाकी, चारचाकी वाहनांचा सुद्धा सहभाग होता.