गुरूप्रसाद संस्थेला अधिकाऱ्यांकडून मदत

गुरूप्रसाद संस्थेला अधिकाऱ्यांकडून मदत
रत्नागिरीः एचआयव्ही सहजीवन जगणाऱ्यांवर काम करणाऱ्या येथील गुरूप्रसाद संस्थेला जागतिक महिलादिनाचे औचित्य साधून जिल्हा पुरवठा अधिकारी रोहिणी राजपूत यांनी भेट दिली. या भेटीत त्यांनी उच्च माध्यमिक परीक्षा दिलेल्या व निराधार असलेल्या मुलींना मदत केली. त्या दोन्ही मुलींना एमएसीआयटी आणि टायपिंगचा कोर्स करायचा असल्याने त्याच्या फी एवढी रक्कम त्यांना सुपूर्द केली. त्यांनी सरकारी नोकरीत अनेक लोकांना मदत दिली; परंतु एचआयव्ही सहजीवन जगणाऱ्या महिलांना मी मदत करू शकते, हे मला गुरूप्रसादच्या संपर्कात आल्यानंतरच कळले. त्यानंतर त्यांनी जिल्हा पुरवठा अधिकारी म्हणून काम पाहताना जिल्ह्यात ज्या ज्या ठिकाणी गुरूप्रसादच्या क्लाएंट अंत्योदय अन्न योजनेसंबंधाने ज्या काही अडचणी असतील त्या सोडवण्यास त्यांनी मोलाचे मार्गदर्शन केले आहे.
--------
rat११p८.jpg
८८३२४
रत्नागिरीः मनसेतर्फे छत्रपती शिवाजी महाराज जयंतीनिमित्त दुचाकी रॅलीत सहभागी झालेले मनसे कार्यकर्ते पदाधिकारी आदी.
---------------
मनसेतर्फे शिवजयंतीनिमित्त दुचाकी रॅली
रत्नागिरीः महाराष्ट्र नवनिर्माण सेना रत्नागिरी तालुका व शहरतर्फे तिथीनुसार छत्रपती शिवाजी महाराज जयंती जल्लोषात साजरी करण्यात आली. यानिमित्त दुचाकी रॅलीचे आयोजन केले होते. या वेळी मारुती मंदिर येथील शिवछत्रपतींच्या अश्वारूढ प्रतिमेला पुष्पहार घालून कार्यक्रमाची सांगता करण्यात आली. या निमित्ताने महाराष्ट्र नवनिर्माण महिला सेना रत्नागिरी तालुक्याच्यावतीने तालुका संपर्क कार्यालयात महिला भगिनींचा पक्षप्रवेश कार्यक्रम झाला. कार्यक्रमाला दक्षिण रत्नागिरी जिल्हा उपाध्यक्ष रूपेश सावंत, रत्नागिरी तालुकाध्यक्ष रूपेश जाधव, सतीश राणे, राजू पाचकुडे, प्रियांका आखाडे, आकांक्षा पाचकुडे, अंजली सावंत, अमोल श्रीनाथ, अनंत शिंदे, बिपिन शिंदे, सत्यविजय खाडे, सागर पावसकर, विशाल चव्हाण, सोम पिलणकर, नवनाथ साळवी, राहुल खेडेकर आदी उपस्थित होते.
-------
rat११p१९.jpg
८८३१६,
राजापूरः येथे शिवजयंती निमित्त आयोजित फेरीत सहभागी चित्ररथ.
------------
राजापुरात शिवजयंती उत्साहात
राजापूर ः शहरातील शिवस्मृती मंडळ आणि शिवसेना यांच्या वतीने मोठ्या उत्साहात शिवजयंती साजरी करण्यात आली. या वेळी काढण्यात आलेल्या दुचाकीस्वारांची फेरीमध्ये ‘जय भवानी...जय शिवाजी ’ अशा दिलेल्या विविध घोषणांनी राजापूर दुमदुमले. सायंकाळी काढण्यात आलेल्या चित्ररथाच्या रॅलीमध्ये मोठ्या संख्येने सहभागी झालेल्या चित्ररथांच्या माध्यमातून शहरामध्ये शिवशाही अवतरली होती. जवाहर चौकातील छत्रपती शिवाजी महाराजांच्या पूर्णाकृती पुतळ्याचे पूजन केल्यानंतर एसटी डेपो ते जवाहरचौक अशी रॅली काढण्यात आली. त्यामध्ये भगवे फेटे डोक्यावर बांधलेले दुचाकीस्वार खांद्यावर भगवा झेंडा घेऊन या रॅलीत मोठ्या संख्येने सहभागी झाले होते. बाजारपेठेसह शहराच्या विविध भागामध्ये ही रॅली काढण्यात आली. यामध्ये लहानांपासून मोठ्यापर्यंत सारेजण सहभागी झाले होते. त्यांनी दिलेल्या विविध घोषणांनी अवघे राजापूर दुमदूमन गेले होते. सायंकाळी उशिरा राजापूर हायस्कूल ते जवाहरचौक अशी चित्ररथांची मिरवणूक काढण्यात आली. यामध्ये शहरातील विविध भागातील चित्ररथ सहभागी झाले होते. त्यामध्ये शिवजन्मासह अन्य सहभागी देखावे लक्षणीय होते. महिलांच्या ढोलपथकानेही साऱ्यांचे लक्ष वेधून घेतले होते. या मिरवणुकीमध्ये शिवस्मृती मंडळ, शिवसेना पदाधिकाऱ्यांसह मोठ्या संख्येने ग्रामस्थ सहभागी झाले होते.
--------------
rat११p१.jpg
88313
गुहागरः कबड्डी स्पर्धेत विजेता स्वराज्य संघ.
------------
कबड्डी स्पर्धेत स्वराज्य विजेता
गुहागर ः डेरवण येथे झालेल्या युथ गेम्स २०२३ या राज्यस्तरीय कबड्डी स्पर्धेत १४ वर्षाखालील मुली या गटात चिपळूणच्या स्वराज्य स्पोर्ट्स ॲकॅडमीने उपांत्य फेरीत रबाळे (ठाणे) या संघावर मात करून अंतिम सामन्यात धडक मारली. अंतिम सामन्यात गतवर्षीचा विजेता तसेच एक बलाढ्य संघ म्हणून ओळखल्या जाणाऱ्या कोथरूड, पुणे या संघावर एकतर्फी विजय मिळवून अंतिम विजेतेपद पटकावण्यात यश मिळवले. संपूर्ण स्पर्धेत तसेच अंतिम सामन्यातदेखील श्रीया हुंबरे, मुग्धा शिर्के यांनी दिमाखदार खेळ केला. या विजयानंतर सर्व खेळाडूंवर तसेच स्वराज्य स्पोर्ट्स ॲकॅडमीच्या नवनिर्वाचित कमिटीच्या अध्यक्षा श्रद्धा हुंबरे, उपाध्यक्षा व खजिनदार राखी सकपाळ, सेक्रेटरी अंकिता पवार व सर्व सदस्य यांच्यावर जिल्हाभरातून कौतुकाचा वर्षांव होत आहे.
--------------
गायन स्पर्धेत चैतन्य परब दुसरा
रत्नागिरी ः येथील गायन समाज देवल क्लबतर्फे आयोजित गोविंदराव गुणे स्मृति हिंदूस्थानी ख्याल गायन स्पर्धेत रत्नागिरीच्या चैतन्य परब याने दुसरा कमांक पटकावला. ही स्पर्धा कोल्हापुरातील गायन समाज देवल क्लब सभागृहात रंगली. सविस्तर निकाल असाः आकाश पंडित (प्रथम), केतकी घारपुरे (तृतीय), उत्तेजनार्थ वैष्णवी जोशी, श्रीहरी कुलकर्णी, निकेता लेले, मुक्ता मिसर. चैतन्यने स्पर्धेत बिलासखानी तोडी रागातील बडा व छोटा ख्याल सादर केला. गोगटे-जोगळेकर महाविद्यालयात वाणिज्य शाखेच्या दुसऱ्या वर्षात शिकणाऱ्या चैतन्यचे संगीताचे सुरवातीचे शिक्षण आई विनया परब यांच्याकडे झाले. सध्या तो किराणा घराण्याचे नामवंत गायक पं. जयतीर्थ मेवुंडी यांच्याकडे तालीम घेत आहे. या स्पर्धेत यापूर्वी मंजिरी असनारे, विश्वजीत बोरवणकर, पुष्कर लेले, रमाकांत गायकवाड, देवश्री नवघरे, पूजा बाक्रे, प्राजक्ता मराठे या नामवंत गायकांनी प्रथम कमांक पटकावला आहे.