बॉक्साईट रस्त्यावर सांडल्याने अपघाताची शक्यता

rat१४५२.txt

बातमी क्र..५२ ( पान ३)

Rat१४p६७.jpg, rat१४p६८.jpg ः
८९१०५
केळवत ः केऴवत घाटात साईटपट्टी व रस्त्यावर सांडलेले बॉक्साईट.

बॉक्साईट रस्त्यावर सांडल्याने अपघाताचे धोके

केळवत घाट ; प्रशासनाच्या बघ्याच्या भूमिकेवर नाराजी

मंडणगड, ता. १५ ः तालुक्यात चार राज्यमार्ग व एका राष्ट्रीय महामार्गाचा वापर करून सुरू असलेल्या विनापरवाना ओव्हरलोड मल्टीएक्सल वाहनांच्या वाहतुकीमुळे निर्माण झालेल्या समस्यांमध्ये दिवसागणिक भर पड़त आहे. गेल्या काही दिवसांपासून केळवत घाटाचे परिसरात रस्ता व रस्त्याशेजारी बॉक्साईट सांडून अपघाताची शक्यता निर्माण झाली आहे. या विषयाशी संबंधित व कारवाईचा अधिकार असलेला महसूल विभाग, दोन पोलिस ठाणे, सार्वजनिक बांधकामखाते, राष्ट्रीय महामार्ग प्राधिकरण, खनिकर्म विभाग व वाहतूक नियंत्रक या सहा प्रशासकीय खात्यांनी पाच महिन्यापासून संबंधितांविरोधात धडक कारवाई करण्याचे टाळल्याने यंत्रणेचे हात कोणत्या कारणांनी बांधले गेले आहेत, असा सतंप्त सवाल तालुक्यातील समस्याग्रस्त नागरिकांमधून उपस्थित केला जाऊ लागला आहे.
या विषयाशी संबंधित सर्वच यंत्रणा आपली जबाबदारी दुसऱ्या खात्याच्या खांद्यावर टाकत आहेत. त्यामुळे सर्व खात्याच्या प्रतिनिधींनी एकत्र येऊन आपले कार्यक्षेत्र व अधिकारी यांचा वापर कसा करता येईल याकरिता सभा घेऊन धडक कारवाई करावी, अशी मागणी मंडणगड तालुका पत्रकार संघाच्यावतीने अधिकृत लेखी तक्रार करून करण्यात आलेली असताना या मागणीकडेही प्रशासनाने डोळेझाक केलेली आहे. भिंगळोली येथे साठा करून ठेवण्यात आलेले बॉक्साईट हलवण्याचे काम गेल्या आठ दिवसांपासून सुरू केले आहे. जागा एनए नसल्याने ग्रामपंचायतीने डेपो सुरू करण्यास ना हरकत प्रमाणपत्र न दिल्याने अनधिकृत साठा केलेला डेपो दोन वर्षांपासून बंद आहे. वाहतुकीसंदर्भात नव्याने झालेल्या घडामोडीविषयी तहसील कार्यालयाला अवगत करण्यात आलेले असतानाही कोणतीही कारवाई अद्याप झालेली नाही. केळवत ते लाटवण मार्गावरील ग्रामस्थांनी सध्या रस्त्यावर चालणाऱ्या गाड्यावर ताडपत्री अथवा हिरवी जाळी लावत नसल्याची तक्रारही केली आहे. परिसरातील आंबा-काजू झाडावर धूळ साठत असून रस्त्याशेजारी बॉक्साईट सांडून अपघाताची भितीही वाढली आहे. आता नागरिकांनी आपल्या सुरक्षेकरिता कायदा हातात घेण्याची परिस्थिती प्रशासनाने निर्माण केलेली आहे.