मंडणगड-रिपाइंचे वतीने मंडणगड ते महाड बाईक रॅली

फोटो ओळी
-rat२०p२५.jpg- KOP२३L९०३४२ मंडणगड : मंडणगड येथून महाड येथे जाणाऱ्या बाईक रॅलीचा शुभारंभ करताना दलितमित्र दादासाहेब मर्चंडे, जिल्हा युवक सरचिटणीस आदेश मर्चंडे व रिपाईचे कार्यकर्ते.
----------

रिपाइंची मंडणगड ते महाड बाईक रॅली
----
चवदार तळे सत्याग्रहाचे स्मरण ; ९६ वर्षे पूर्ण
मंडणगड, ता. २० ः रिपब्लिकन पार्टी ऑफ इंडियाच्या (आठवले गट) मंडणगड तालुका शाखेतर्फे चवदार तळे सत्याग्रह दिनाचे औचित्य साधून मंडणगड ते महाड बाईक रॅली काढण्यात आली. रिपाइंचे जिल्हा सरचिटणीस आदेश मर्चंडे व दलितमित्र दादासाहेब मर्चंडे यांच्या नेतृत्वाखाली युवक रॅलीत सहभागी झाले. दुपारी चार वाजता शहरातील डॉ. बाबासाहेब आंबेडकर स्मारकाचे आवारातून बाईक रॅली महाड चवदार तळे या ठिकाणी जाण्यासाठी मार्गस्थ झाली.
महाड येथे जावून सर्व कार्यकर्ते चवदार तळ्यास भेट देऊन बाबासाहेबांचे व त्यांनी दलित समाजासाठी या लढ्याच्या माध्यमातून सुरू केलेल्या आंदोलनानिमित्ताने स्मरण करणार आहेत. डॉ. बाबासाहेब आंबेडकर यांनी २० मार्च १९२७ ला महाड येथील ऐतिहासिक चवदार तळ्याचा सत्याग्रह केला होता. त्या घटनेस यंदा ९६ वर्षे पूर्ण झाली आहेत. त्यानिमित्ताने रॅली काढण्यात आली.
बाईक रॅलीत रिपाइंचे तालुका अध्यक्ष नागसेन तांबे, सरचिटणीस रामदास खैरे, विजय खैरे, सुनील तांबे, संकेत तांबे, संदीप येलवे, विधान पवार, मुराद तांडेल, सुशांत खैरे, गौरव मर्चंडे, संकेश कासारे, नीलेश मर्चंडे, सुमित साळवी आदी सहभागी झाले होते.