अपघातग्रस्त विद्यार्थ्यास शिक्षक समितीकडून मदत

91447
नडगिवे नं. १ ः यश नार्वेकर याला मदत सुपूर्द करताना शिक्षक समितीचे पदाधिकारी.

अपघातग्रस्त विद्यार्थ्यास
शिक्षक समितीकडून मदत
तळेरे ः शाळा नडगिवे नं. १ येथे सहावीत शिकणारा विद्यार्थी यश नार्वेकर हा शाळेत खेळताना पडल्याने जखमी झाला. या विद्यार्थ्याची आर्थिक परिस्थिती गरिबीची असल्याने शिक्षक समिती, कणकवली यांच्यावतीने त्याला तीन हजार रुपयांची आर्थिक मदत त्याच्या पालकांकडे सुपूर्द करण्यात आली. या खारेपाटण केंद्रातील शिक्षक समितीचे पदाधिकारी मंगेश मुद्रस, अमोल तुपविहिरे, राजेश तेरवणकर, इरफान सारंग, सुप्रिया शेट्ये, नडगिवे शाळेच्या मुख्याध्यापिका अनिता पाटकर आणि विद्यार्थ्यांचे पालक उपस्थित होते. या मदतीबाबत नार्वेकर कुटुंबीयांनी शिक्षक समितीचे आभार मानले.
..................
‘महाविकास’चे आज कुडाळात आंदोलन
कुडाळ ः मोदी सरकारने राहुल गांधी यांची खासदारकी रद्द करून लोकशाहीचा अंत केला आहे, असा आरोप करीत याच्या निषेधार्थ महाविकास आघाडीच्यावतीने उद्या (ता. २७) येथील गांधीचौकात सकाळी अकराला आंदोलन करण्यात येणार आहे. या आंदोलनात काँग्रेस जिल्हाध्यक्ष इर्शाद शेख, राष्ट्रवादी काँग्रेस जिल्हाध्यक्ष अमित सामंत, शिवसेना जिल्हाप्रमुख संजय पडते, सतीश सावंत, संदेश पारकर, आमदार वैभव नाईक, काँग्रेसचे माजी जिल्हाध्यक्ष साईनाथ चव्हाण, विकास सावंत आदी उपस्थित राहणार आहेत.