दांडीत एप्रिलमध्ये ''गाबीत महोत्सव''

swt२७१२.jpg
९१७१३
मालवणः गाबीत समाज महोत्सव कार्यालयाचे उद्घाटन चंद्रशेखर उपरकर यांच्या हस्ते करण्यात आले.

दांडीत एप्रिलमध्ये ‘गाबीत महोत्सव’
कार्यालयाचे उद्घाटनः २७ एप्रिलपासून आयोजन
सकाळ वृत्तसेवा
मालवण, ता. २७ : दांडी किनाऱ्यावर २७ ते ३० एप्रिल या कालावधीत ‘गाबीत महोत्सव २०२३’ होणार असून यासाठी गाबीत महोत्सव कार्यालयाचे उद्घाटन गाबीत समाज सिंधुदुर्गचे जिल्हाध्यक्ष चंद्रशेखर उपरकर यांच्या हस्ते फीत कापून व दीपप्रज्वलन करून करण्यात आले. येणाऱ्या काळात मालवणात गाबीत समाजाचे स्वतंत्र कार्यालय सुरू करण्याचा मानस यावेळी उपरकर यांनी व्यक्त केला.
शहरातील फोवकांडा पिंपळ येथील निवासी संकुलमध्ये गाबीत समाज जिल्हा संघटक रविकिरण तोरसकर यांच्या अखत्यारितील गाळ्यात गाबीत महोत्सव कार्यालय सुरू करण्यात आले आहे. यावेळी जिल्हाध्यक्ष चंद्रशेखर उपरकर यांच्यासह कार्याध्यक्ष बाबा मोंडकर, सरचिटणीस महेंद्र पराडकर, जिल्हा संघटक रविकिरण तोरसकर, हरी खोबरेकर, महोत्सव स्थानिक समिती अध्यक्ष अन्वय प्रभू, माजी नगराध्यक्ष सुदेश आचरेकर, मेघा गावकर, अन्वेशा आचरेकर, सेजल परब, पूजा सरकारे, बाबी जोगी, राजा गावकर, सहदेव बापार्डेकर, सौरभ ताम्हणकर, दिलीप घारे, मेघनाद धुरी, भूषण मेतर, विकी चोपडेकर, रुपेश प्रभू, पवनकुमार पराडकर, गंगाराम आडकर यांच्यासह अन्य गाबीत समाज बांधव उपस्थित होते. यावेळी श्री. उपरकर म्हणाले, ‘‘महोत्सवाच्या निमित्ताने सुरू झालेले हे कार्यालय गाबीत बांधवाना एकत्र येण्यास उपयोगी ठरणार आहे. यापुढे मालवणात गाबीत समाजाचे कार्यालय सुरू करण्यासाठी आपण प्रयत्नशील आहोत. गाबीत समाजाचा महोत्सव प्रथमच होत असून यासाठी गावागावात भेटी देऊन आपण गाबीत बांधवांच्या बैठका घेणार आहोत.’’
यावेळी महेंद्र पराडकर यांनी महोत्सवाच्या नियोजनाबाबत माहिती दिली. सूत्रसंचालन रविकिरण तोरसकर यांनी केले.