मठ गावात चोरट्यांचा धुमाकूळ

मठ गावात चोरट्यांचा धुमाकूळ

मठ गावात चोरट्यांचा धुमाकूळ
लांजा पोलिसांसमोर आव्हान ; ६ महिन्यात १२ चोऱ्या
लांजा, ता. १६ ः तालुक्यातील मठ गावात चोरट्यांनी धुमाकूळ घातला असून दहा ते बारा चोऱ्यांमुळे चोरांनी स्थानिक ग्रामस्थांसह लांजा पोलिसांसमोर कडवे आव्हान उभे केले आहे. या चोरांचा शोध लांजा पोलिस कसा लावणार, याकडे मठ पंचक्रोशीचे लक्ष लागले आहे.
तालुक्यातील मठ गावामध्ये आतापर्यंत दहा ते बारा चोरीच्या घटना घडल्या आहेत. मात्र त्यातील एकाही चोरीचा छडा लावण्यात पोलिसांना यश आलेले नाही.
मागील सहा महिन्यांपूर्वी मठ गावातील रस्त्यावरील सौर दीपच्या बॅटऱ्या चोरीला गेल्या होत्या. त्यानंतर मठ बुद्धविहार मधील सौर पॅनलची बॅटरी चोरीला गेली. त्याबाबत स्थानिक ग्रामस्थांनी लांजा पोलीस ठाण्यात तक्रार दिली होती. त्या देखील चोरांचा तपास करण्यात लांजा पोलिसांना यश आलेले नाही. सध्याच्या आठ ते दहा दिवसांत मठ गावातील अनेक खासगी विहिरीतील पाण्याची मोटर चोरीला गेल्याने ग्रामस्थाच्या मनात भीतीचे वातावरण निर्माण झाले आहे. मठ बौद्धवाडी येथील जयराम कांबळे यांच्या घरातील दोन सिलेंडर चोरीला गेले आहेत. आता तर मनीष कांबळे, राजेश लिंगायत, चंद्रकांत कांबळे, सौ गांगु यांच्या विहिरीतील पाण्याची मोटर चोरीला गेल्या आहेत याबाबत लांजा पोलीस ठाण्यात तक्रार दाखल करण्यात आली आहे मात्र याबाबत लांजा पोलिसांचा तपास संथ गतीने सुरू असून पोलिसच संशयित आरोपी कोण? त्याचे नावं सांगा म्हणून तक्रारदार यांच्याकडे आग्रह करीत आहेत याबाबत देखील जनतेतुन तीव्र नाराजी व्यक्त करीत आहेत. तालुक्यातील मठ गावामध्ये सातत्याने चोऱ्या होत असून देखील तशा तक्रारी देखील दाखल करण्यात आलेल्या आहे असे असताना देखील लांजा पोलीस याकडे गांभिर्याने पाहताना दिसून येत नाही त्यामूळेच चोर पोलिसांना गुंगारा देत आहेत व एकामागून एक चोरीच्या घटना घडत आहेत यामुळे मठ पंचक्रोशीत भीतीचे वातावरण निर्माण झाले असून या चोरीच्या घटनेकडे उपविभागीय पोलीस अधिकारी किंवा जिल्हा पोलीस अधीक्षक यांनी लक्ष घालावे व चोरट्यांचा बंदोबस्त करावा अशी आग्रही मागणी जनतेतून केली जात आहे.

काय काय चोरले
*सौर दीपच्या बॅटऱ्या चोरीला
*सौर पॅनलच्या बॅटऱ्यावर डल्ला
*२ विहिरीतील पंपच लांबविला
*घरातील दोन सिलेंडर पळविले

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com