व्यायाम शाळेचे तिरोड्यात भूमिपूजन

swt2014.jpg
97303
तिरोडाः येथे व्यायाम शाळेच्या भूमिपूजन प्रसंगी प्रवीण भोसले व अन्य.

व्यायाम शाळेचे तिरोड्यात भूमिपूजन
सावंतवाडीः तिरोडा येथे जिल्हा परिषदेमार्फत क्रीडा विभागाकडून मिळालेल्या निधीतून व्यायाम शाळेचे भूमिपूजन माजी राज्यमंत्री प्रवीण भोसले यांच्या हस्ते झाले. या व्यायाम शाळेचा पंचक्रोशीतील तरुणांना याचा फायदा होणार असून त्यामुळे त्यांचे आरोग्य चांगले राहण्यास मदत होणार आहे. गावातील या व्यायाम शाळेचा सर्वांनी लाभ घेऊन आपले आरोग्य उत्तम ठेवावे, असे आवाहन यावेळी भोसले यांनी केले. सरपंच प्रियांका सावंत, उपसरपंच संदेश सावंत, माजी सरपंच माधुरी पटेकर, अशोक केरकर, अनिल केरकर, पुरुषोत्तम शेणई, चारुदत्त शेणई, सागर नाणोसकर, पोलिस पाटील लवू रगजी उपस्थित होते. प्रास्ताविक सरपंच सावंत यांनी केले. आभार ग्रामसेवक संदीप गवस यांनी मानले.
................
कट्टा येथे २८ ला वधू-वर मेळावा
मालवण : कट्टा पंचक्रोशी भंडारी समाज संघ कट्टा यांच्यावतीने २८ एप्रिलला सकाळी साडेनऊ ते सायंकाली चार वाजेपर्यंत ओम गणेश साई मंगल हॉल, कट्टा येथे वधू-वर मेळाव्याचे आयोजन केले आहे. यावेळी एकाच छताखाली वधू-वरांना प्रत्यक्ष पाहण्याची व परिचय करून घेण्याची संधी उपलब्ध करून दिली आहे. नाव नोंदणी पश्चात विवाह जुळेपर्यंत वधू-वर निवडण्यासाठी कायमस्वरुपी नोंदणी रजिस्टर कार्यालयात उपलब्ध असणार आहे. मेळाव्यात चहा-नाश्ता, जेवणाची व्यवस्था आहे. अधिक माहितीसाठी संपर्क साधण्याचे आवाहन कट्टा पंचक्रोशी भंडारी समाज संघ, कट्टा सर्व समिती सदस्य, पदाधिकारी आणि सर्व समाज बांधवांनी केले आहे.
................