वेत्ये अपघातप्रकरणी बस चालकावर गुन्हा

वेत्ये अपघात प्रकरणी
बसचालकावर गुन्हा
सकाळ वृत्तसेवा
सावंतवाडी, ता. २३ : वेत्ये येथे बस घळणीत घसरल्याने शुक्रवारी (ता. २१) झालेल्या अपघात प्रकरणी क्लीनरच्या तक्रारीवरून चालक सतीश पंढरी भोसले (रा. मुंबई) याच्यावर गुन्हा दाखल करण्यात आला. अपघात मुंबई-गोवा महामार्गावर मध्यरात्री घडला होता. यात क्लीनर तालीब अकबर अली खान (वय २९, रा. बोरिवली-मुंबई) हा गंभीर जखमी झाला होता. त्याला अधिक उपचारांसाठी प्रथम सावंतवाडी व नंतर गोवा-बांबुळी येथील रुग्णालयात दाखल करण्यात आले. खान याने दिलेल्या तक्रारीनुसार बसचालक भोसले याच्यावर अपघातास कारणीभूत ठरल्याप्रकरणी गुन्हा दाखल करण्यात आला. मुंबई ते गोवा असा प्रवास करताना चालकाचा ताबा सुटल्याने हा अपघात घडला होता.