कुलकर्णी यांना पुरस्कार

१३ (टुडे पान २ साठी, संक्षिप्त)

-rat४p३.jpg-
२३M००४४८
रत्नागिरी ः अधीक्षक अभियंता नितीन पळसुलेदेसाई यांच्याकडून पुरस्कार स्वीकारताना संतोष कुलकर्णी.
----
गुणवंत तांत्रिक कर्मचारी पुरस्कार संतोष कुलकर्णी यांना प्रदान

रत्नागिरी, ता. ४ ः महावितरणच्या रत्नागिरी परिमंडळात गुणवंत तांत्रिक कर्मचारी पुरस्कार संतोष विनायक उर्फ काका कुलकर्णी यांना प्रदान करण्यात आला. ते प्रधान यंत्रचालक असून, ३३/११ केव्ही हार्बर उपकेंद्र, विभाग रत्नागिरी शहर, उपविभाग रत्नागिरी शहर येथे कार्यरत आहेत. तेथे कंपनीने नेमून दिलेल्या कामानुसार, उपकेंद्राची देखभाल करणे, अचानक उद्भवणाऱ्या तांत्रिक स्वरूपाच्या समस्येचे तातडीने निराकरण करणे, संभाव्य अपघात कार्यकौशल्याने टाळून उत्कृष्टपणे कर्तव्य बजावली आहेत. त्याकरिता दाखवलेली कार्यतत्परता, कर्तव्यदक्षता, निष्ठा व समर्पित वृत्ती या गुणांचा गौरव करून त्यांना कामगारदिनी सन २०२३ करिता उत्कृष्ट यंत्रचालक म्हणून सन्मानित करून प्रशस्तीपत्र प्रदान करण्यात आले. संतोष कुलकर्णी यांनी ३१ वर्ष प्रदीर्घ महामंडळ व महावितरण कंपनीत सेवा करून निवृत्तीला एक वर्ष असताना त्यांना हा बहुमान मिळाला. कुलकर्णी यांनी तांत्रिक कर्मचारी संघटनेचे २५ वर्षे काम केले. या कालावधीत विभागीय सचिव ते विभागीय अध्यक्ष ही पदेही त्यांनी भूषवली आहेत.
--

फोटो ओळी
-rat४p९.jpg-
२३M००४५३
रत्नागिरी ः जनशिक्षण संस्थान आणि आर्या ब्युटी केअरतर्फे आयोजित ब्युटी कोर्समध्ये यश मिळवणाऱ्या विद्यार्थिनी व संचालिका मेधा कुळकर्णी.
--
जनशिक्षण, आर्यातर्फे आयोजित ब्युटी कोर्सची सांगता

रत्नागिरी ः जनशिक्षण संस्थान आणि आर्या ब्युटीकेअर यांच्या संयुक्त विद्यमाने ६० दिवसांचा ब्युटी असिस्टंट कोर्स आर्या ब्युटीकेअर येथे यशस्वीरित्या पार पडला. गृहिणी, कॉलेज विद्यार्थिनी अशा स्तरातील एकूण २० जणींनी या कोर्सद्वारे शिक्षण घेतले. त्याचे कौशल्य विकासअंतर्गत सरकारी प्रमाणपत्र मिळवून आता या २० विद्यार्थिनी ब्युटी असिस्टंट म्हणून काम करू शकतात. आर्या ब्युटीकेअरच्या संचालिका मेधा कुळकर्णी यांनी या महिलांना प्रशिक्षण दिले. या कोर्सबाबत या महिलांनी समाधान व्यक्त केले. महिलांना स्वावलंबी बनवण्यासाठी अशा कोर्सचा निश्चित उपयोग होतो, असे कुळकर्णी यांनी सांगितले.
-

इन्फिगो आय हॉस्पिटलतर्फे
रविवारी भैरी मंदिरात नेत्रतपासणी

रत्नागिरी ः येथील इन्फिगो आयकेअर हॉस्पिटल व रत्नागिरीचे ग्रामदैवत श्रीदेव भैरी, जोगेश्वरी, नवलाई, पावणाई तृणबिंदुकेश्वर ट्रस्ट यांच्या संयुक्त विद्यमाने येत्या रविवारी (ता. ७) मे रोजी सकाळी १० ते ५ या वेळेत श्रीदेव भैरी मंदिर प्रांगणात सर्वंकष मोफत नेत्रतपासणी शिबिराचे आयोजन करण्यात आले आहे. या शिबिरात डोळ्यांचा अंतर्भाग व बाह्यभाग तपासणी, इंट्राऑनक्युलर प्रेशरची मोजणी, डोळ्यांच्या पडद्याची तपासणी, मोतीबिंदू व काचबिंदूचे परीक्षण, चष्म्याचा अचूक नंबर व कॉम्प्युटर वापरामुळे होणाऱ्या परिणामांची तपासणी आदी तपासण्या केल्या जाणार आहेत. जास्तीत जास्त जणांनी या शिबिराचा लाभ घ्यावा व अधिक माहितीसाठी श्री भैरी देवस्थानचे अध्यक्ष रवींद्र सुर्वे यांच्याशी संपर्क साधावा.
-
फोटो ओळी
-rat४p६.jpg ः
२३M००४५१
देवरूख ः हातिव येथे शिवकालीन युद्ध कला प्रशिक्षण वर्गाला उदंड प्रतिसाद.
--

हातिवला शिवकालीन युद्धकला मार्गदर्शन

साडवली ः संगमेश्वर तालुक्यातील हातिव गावातील रूपाली कदम यांच्या संकल्पनेतून शिवप्रताप प्रतिष्ठान हातिव व हातिव ग्रामपंचायत यांच्या संयुक्त विद्यमाने शांतिदूत मर्दानी आखाडा शिवकालिन युद्धकला प्रशिक्षण केंद्र कोल्हापूर प्रशिक्षक अतुल शिंदे यांच्या मार्गदर्शनाने रत्नागिरी जिल्ह्यात प्रथमच हातिव येथे प्रशिक्षण वर्गाचे आयोजन करण्यात आले होते. यामध्ये उत्तम समन्वय तालुक्यातील सर्व स्तरातील जवळपास ५० पेक्षा अधिक विद्यार्थ्यांनी मोठ्या प्रमाणात सहभाग नोंदवत प्रशिक्षण घेतले. या शिबिरामध्ये शिवकालीन युद्धकला व मुलींना स्वसंरक्षण तसेच लाठीकाठी, फरीगदगा, तलवार चालवणे, दांडपट्टा, आगीतील काठी फिरवणे आदी साहशी खेळांचे व प्रशिक्षण देण्यात आले. शिवकालीन युद्धकला प्रशिक्षणाची उत्कृष्ट संकल्पना ज्यांच्या मनामध्ये आली आणि आज सत्यात उतरली त्या रूपाली कदम व रूपेश कदम यांचे शिवप्रेमींनी आभार मानले. प्रशिक्षणाच्या सांगता समारंभ गटविकास अधिकारी चौगुले, युयुत्सु आर्ते व माजी जि. प. अध्यक्षा रश्मी कदम, माजी सैनिक अमर चाळके, सरपंच नंदकुमार कदम यांच्या उपस्थितीत झाला.
-------