तळकट शाळेत आजपासून शतक महोत्सव सोहळा

तळकट शाळेत आजपासून
शतक महोत्सव सोहळा
सकाळ वृत्तसेवा
सावंतवाडी, ता. ४ः तळकट (ता.दोडामार्ग) जिल्हा परिषद पूर्ण प्राथमिक शाळा तळकट क्रमांक १ चा शतक महोत्सव सोहळा ५ ते ७ मे या कालावधीत होणार आहे. शतक महोत्सव कार्यक्रमाचे उद्घाटन उद्या (ता.५) शालेय शिक्षण मंत्री दीपक केसरकर यांच्या हस्ते होणार आहे. ७ ला खासदार विनायक राऊत यांच्या उपस्थितीत शतक महोत्सव सांगता समारोप होणार आहे.
होणारे कार्यक्रम असेः उद्या (ता.५) दुपारी ३ वाजता शालेय शिक्षणमंत्री दिपक केसरकर यांच्या हस्ते उद्घाटन, स्मरणिका प्रकाशन आणि माजी शिक्षक सत्कार सोहळा, रात्री १० वाजता माजी विद्यार्थी विविध कार्यक्रम, ६ ला पालकमंत्री रविंद्र चव्हाण यांची उपस्थिती, सकाळी १० वाजता रक्तदान शिबीर, दुपारी ३ वाजता बांदा येथील मानसोपचार तज्ञ डॉ. रुपेश पाटकर, डॉ. अनिकेत गवस (सहा.अभि श्रेणी २), रात्री १० वाजता ग्रामसेवा मंडळ तळकट कट्टा, मुंबई यांचा सामाजिक नाट्यप्रयोग (माझ्या मना), ७ ला खासदार विनायक राऊत यांची उपस्थिती, दुपारी ३ वाजता व्याख्यान डॉ. प्रसाद देवधर, कुडाळ (प्रगत बागायती शेती) मिळुनी साऱ्या जणी (महिला तळकट कट्टा), रात्री १० वाजता माजी विद्यार्थीनी शाळा तळकट क्रमांक १ यांचा दशावतार नाट्यप्रयोग-विष्णुमहिमा, ८ ला रात्री १०.३० वाजता रंजनकला नाट्यमंडळ तळकट कट्टा यांचा सामाजिक नाट्यप्रयोग-सासरच्या अंगणी यावेळी आजी-माजी विद्यार्थी शिक्षक पालक ग्रामस्थ तसेच नागरिकांनी उपस्थित राहून कार्यक्रमाचा लाभ घ्यावा असे आवाहन शतक महोत्सव समिती, ग्रामस्थ तळकट कट्टा आणि ग्रामसेवा मंडळ तळकट कट्टा मुंबई यांनी केले आहे.