दहावी मार्गदर्शन कार्यशाळेस
मसुरे येथे उत्स्फूर्त प्रतिसाद

दहावी मार्गदर्शन कार्यशाळेस मसुरे येथे उत्स्फूर्त प्रतिसाद

०१२५१

विद्यार्थ्यांनी जाणल्या अभ्यासातील क्लुप्त्या

मसुरेतील कार्यशाळा; आर. पी. बागवे हायस्कूलचा पुढाकार

सकाळ वृत्तसेवा
मसुरे, ता. ७ : मसुरे येथील आर. पी. बागवे हायस्कूल यांच्यावतीने आयोजित केलेल्या शरद गोवंडे स्मृती दहावी मार्गदर्शन कार्यशाळेस तालुक्यातील विद्यार्थी व शिक्षकांनी उत्स्फूर्त प्रतिसाद दर्शविला. या कार्यक्रमाचे आयोजन संयोजन प्रशालेच्या मुख्याध्यापिका अर्चना कोदे यांनी आपले सर्व सहकारी शिक्षक शिक्षकेतर कर्मचारी आणि संस्था पदाधिकारी यांच्या सहकार्याने यशस्वीपणे केले.
मसुरे, माळगाव, बिळवस, महान, देऊळवाडा, चांदेर या पंचक्रोशीतील सुमारे ४० विद्यार्थ्यांनी या कार्यशाळेचा लाभ घेतला. जिल्ह्यातील नामांकित शिक्षकांनी या विद्यार्थ्यांना दहावी परीक्षेचा अभ्यास केव्हा व कसा करावा?, वेळेचे नियोजन कसे करावे?, परीक्षेत कोणत्या चुका टाळाव्यात? तसेच प्रत्येक विषयाच्या अभ्यासातील क्लुप्त्या व महत्त्वाचे घटक याविषयी सखोल मार्गदर्शन केले. कुडाळकर हायस्कूलच्या मुख्याध्यापिका नंदिनी साटलकर, सुमंत दळवी, अनिता फर्नांडिस, मेघना जोशी, ज्योती तोरसकर, सौ. कोदे यांनी मार्गदर्शन केले. यावेळी संस्थेचे मुंबई कमिटीचे उपाध्यक्ष उत्तम राणे तसेच लोकल कमिटी अध्यक्ष महेश बागवे, मुंबई कमिटीचे सह सेक्रेटरी संजय बागवे, मुंबई कमिटी संस्था सभासद राजन परब, शेखर बागवे, संस्थेचे हितचिंतक श्री. फर्नांडिस, भरतगड हायस्कूल नंबर दोनचे मुख्याध्यापक एस. आर. कांबळे आणि सर्व शिक्षक शिक्षकेतर कर्मचारी उपस्थित होते. यावेळी दीक्षा देवगडकर, संस्कृती, वैष्णवी यांनी मनोगत व्यक्त केले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com