हळदीचे नेरूरमध्ये तरुणाची गळफास घेऊन आत्महत्या

हळदीचे नेरूरमध्ये तरुणाची आत्महत्या
कुडाळ ः हळदीचे नेरूर येथील पालवाडीमधील अमित गुणाजी पालकर (वय ३६) या तरुणाने पालवाडी भरड येथे झाडाला दोरीने गळफास लावून आत्महत्या केली. याबाबत येथील पोलिस ठाण्यात आकस्मिक मृत्यूची नोंद करण्यात आली आहे. हळदीचे नेरुर पालवाडी येथील सोमा पालकर यांनी येथील पोलीस ठाण्यात दिलेल्या माहितीनुसार अमित पालकर याचे २०२२ मध्ये लग्न झाले होते. गेल्या तीन महिन्यापूर्वीपासून त्यांची पत्नी माहेरी राहत होती आणि त्या मानसिक आजारामध्ये ते होते. आंघोळीला जातो असे सांगून ते निघून गेले आणि पालवाडी भरड येथे झाडाच्या फांदीला दोरीने गळफास लावून आत्महत्या केली. त्यांची शोधा शोध कुटुंबीयांनी केली. मात्र, ते आढळून आले नाहीत. दरम्यान, पालवाडी भरड येथे त्यांचा मृतदेह गळफास घेतलेल्या स्थितीत आढळून आला.