देवगड तालुक्यात रविवारी मासिक पाळीबाबत जागृती | Sakal
sakal

बोलून बातमी शोधा

देवगड तालुक्यात रविवारी
मासिक पाळीबाबत जागृती
देवगड तालुक्यात रविवारी मासिक पाळीबाबत जागृती

देवगड तालुक्यात रविवारी मासिक पाळीबाबत जागृती

sakal_logo
By

देवगड तालुक्यात रविवारी
मासिक पाळीबाबत जागृती

देवगड, ता. २४ ः तालुक्यात रविवारी (ता. २८) मासिक पाळी व्यवस्थापन जनजागृती मोहीम राबविण्यात येणार असल्याची माहिती गटविकास अधिकारी करिश्मा नायर यांनी दिली. या मोहिमेच्या नियोजनाची बैठक आज घेण्यात आली.
याबाबत दिलेल्या माहितीनुसार, जागतिक पातळीवर २८ मे हा दिवस मासिक पाळी दिवस म्हणून साजरा केला जातो. यावर्षीच्या जागतिक मासिक पाळी दिनानिमित्त ‘आम्ही कटिबद्ध आहोत’ ही या सप्ताहाची संकल्पना असणार आहे. या दिनाचे औचित्य साधून २२ ते २८ मे या कालावधीत तालुक्यात मासिक पाळी व्यवस्थापन जनजागृती सप्ताह राबविण्याबाबत नियोजन बैठक नायर यांच्या मार्गदर्शनाखाली झाली. यावेळी तालुक्यातील तज्ज्ञ प्रशिक्षक उपस्थित होते. मासिक पाळी ही नैसर्गिक प्रक्रिया असून त्याबाबत असलेल्या अज्ञानापोटी निर्माण झालेल्या विविध रूढी परंपरांमुळे मुली -महिलांना मोठ्या प्रमाणात मानसिक व शारिरीक त्रासाला सामोरे जावे लागते. स्वच्छ भारत मिशन टप्पा-२ हा मासिक पाळी व्यवस्थापनाचा महत्त्वाचा घटक आहे. या पार्श्वभूमीवर या दिनाचे औचित्य साधून तालुक्यात रॅली, चर्चासत्रे, प्रशिक्षण, प्रबोधन उपक्रमांद्वारे जनजागृती सप्ताह तालुका व ग्रामपंचायत स्तरावर राबविण्यात येणार असल्याची माहिती नायर यांनी दिली.