उभादांडा-वरचेमाडवाडीत
रविवारी आरोग्य शिबिर

उभादांडा-वरचेमाडवाडीत रविवारी आरोग्य शिबिर

उभादांडा-वरचेमाडवाडीत
रविवारी आरोग्य शिबिर
वेंगुर्ले ः रोटरी क्लब ऑफ वेंगुर्ला मिडटाऊन, अखिल भारतीय आयुर्वेद संस्थान गोवा, स्वामी विवेकानंद संस्था कडशी मोपा व उभादांडा ग्रामपंचायत यांच्या संयुक्त विद्यमाने रविवारी (ता.४) उभादांडा-वरचेमाडवाडी अंगणवाडी शाळा येथे सकाळी दहा ते दुपारी दोन या वेळेत मोफत आरोग्य तपासणी शिबिराचे आयोजन केले आहे. या शिबिरात रुग्णांना मोफत औषधेही वाटप करण्यात येणार आहेत. या शिबिरात रक्तदाब, त्वचाविकार, अ‍ॅलर्जी, दमा, पचनाच्या समस्या, हाडांचे व सांध्यांचे आजार, पक्षाघात, मधुमेह, लिव्हर, किडण्यांचे विकार, बालरोग, स्त्री रोग, नेत्ररोग, कान-नाकघश्याचे रोग, मूळव्याध, भगंदर, मूतखडा, थायरॉईड यांच्यासह अन्य जुनाट विकारांची तपासणी करण्यात येणार आहे. तसेच आयुर्वेदिय चिकित्सा प्रकृतीप्रमाणे आहार-विहार व योग परामर्श दिला जाणार आहे. या मोफत आरोग्य सेवेचा लाभ घेणाऱ्या रुग्णांनी अधिक माहिती व नावनोंदणीसाठी रोटरीयन पंकज शिरसाट, दादा साळगावकर, पिटर रॉडिग्स, यशवंती केरकर यांच्याशी संपर्क साधावा, असे आवाहन आयोजकांनी केले आहे.
---
वेंगुर्लेत १० रोजी राष्ट्रवीदीतर्फे कार्यक्रम
वेंगुर्ले ः राष्ट्रवादीच्या १० जूनला होणाऱ्या वर्धापन दिनानिमित्त वेंगुर्ले तालुक्यात वृक्षारोपण, तालुक्यातील प्रथम तीन क्रमांक पटकावलेल्या दहावी, बारावीच्या गुणवंत विद्यार्थ्यांचा गौरव तसेच विविध उपक्रम राबविण्याचे राष्ट्रवादी काँग्रेसच्या सभेत ठरविण्यात आले. वेंगुर्ले राष्ट्रवादी काँग्रेसची ग्रामीण व शहर कार्यकारिणीची एकत्रित बैठक हॉस्पिटल नाका येथील कार्यालयात तालुका अध्यक्ष योगेश कुबल यांच्या अध्यक्षतेखाली झाली. यावेळी महिला प्रदेश सचिव नम्रता कुबल, शहर अध्यक्ष सत्यवान साटेलकर, जिल्हा सदस्य नितीन कुबल, जिल्हा बँक संचालिका प्रज्ञा परब, डॉक्टर सेलचे जिल्हाध्यक्ष डॉ. संजीव लिंगवत, तालुका महिला अध्यक्षा दीपिका राणे, वैभव वाडकर, धर्माजी बागकर, स्वप्नील रावळ बाबतीस डिसोजा, सुप्रिया परब, भिवा उफ कुणाल बिडये, अपूर्वा परब, प्रदीप पडवळ, विशाल बागायतकर, रामेश्वरी गवंडे, राजू गवंडे आदी उपस्थित होते. तालुका अध्यक्ष योगेश कुबल यांनी स्वागत केले. शहर अध्यक्ष सत्यवान साटेलकर यांनी आभार मानले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com