खो-खो स्पर्धेत यश

फोटो ओळी
- rat२८p७.jpg-
24N22234
देवरूख ः विभागीय खो-खो स्पर्धेसाठी पात्र ठरलेले आठल्ये-सप्रे महाविद्यालयाच्या मुला-मुलींचे संघ.

खो-खो मध्ये आठल्ये-सप्रे महाविद्यालयाचे यश

विभागीय स्पर्धेसाठी पात्र ; डेरवणमधील जिल्हास्तरीय स्पर्धेचे विजेतेपद

सकाळ वृत्तसेवा
साडवली, ता. ३१ ः देवरूख शिक्षण प्रसारक मंडळाच्या आठल्ये-सप्रे- पित्रे कनिष्ठ महाविद्यालयाचे १९ वर्षांखालील मुला-मुलींचे दोन्ही संघ विभागीय खो-खो स्पर्धेत रत्नागिरी जिल्ह्याचे प्रतिनिधित्व करणार आहेत. डेरवण येथे झालेल्या जिल्हास्तरीय खो-खो स्पर्धेत मुले व मुली संघाने विजेतेपद पटकावले.
डेरवण येथील एस. व्ही. जे. सी. क्रीडासंकुलात झालेल्या खो-खो स्पर्धेत महाविद्यालयाच्या मुलांच्या संघाने अंतिम सामन्यात लांजा कनिष्ठ महाविद्यालयावर मात केली. मध्यंतराला ५-५ असा बरोबरी सामना होता; मात्र दुसऱ्या डावात ५-३ अशी गुण स्थिती राहिली. त्यामुळे चुरशीच्या सामन्यात २ गुणांनी आठल्ये-सप्रे विद्यालयाने विजेतेपद पटकावले. मुलींच्या संघाने अभ्यंकर-कुलकर्णी कनिष्ठ महाविद्यालयाकडे मध्यंतराला ९-५ अशी आघाडी होती; मात्र दुसऱ्या डावात आठल्ये-सप्रे-पित्रे संघाच्या खेळाडूंनी चांगला खेळ करत ३ गुणांनी विजय मिळवला. मुलींमध्ये दिव्या सनगले व प्रिती सनगले यांनी तर मुलांमध्ये शुभम कळंबटे यांनी उत्कृष्ट खेळ केला. महाविद्यालयाच्या दोन्ही विजेत्या संघांच प्राचार्य डॉ. नरेंद्र तेंडोलकर यांच्या हस्ते सन्मान करण्यात आला. या प्रसंगी कनिष्ठ महाविद्यालयाचे पर्यवेक्षक प्रा. एम. आर. लुंगसे यांच्यासह सर्व शिक्षक उपस्थित होते. दोन्ही संघांना क्रीडाशिक्षक तानाजी कदम आणि प्रा. सागर पवार यांचे मार्गदर्शन लाभते. गतवर्षी महाविद्यालयाच्या मुलांचा संघ कोल्हापूर विभागीय स्पर्धेत उपविजेता ठरला होता. दोन्ही यशस्वी संघातील खेळाडू व मार्गदर्शकांचे संस्थाध्यक्ष सदानंद भागवत, नेहा जोशी, कृष्णकुमार भोसले, शिरीष फाटक, ॲड. वेदा प्रभुदेसाई, उपप्राचार्य डॉ. सरदार पाटील यांनी अभिनंदन केले आहे.
मुलांचा संघ ः शुभम सुवारे (कर्णधार), ओंकार मुंडेकर (उपकर्णधार), आदित्य गोरूले, आदित्य कळंबटे, आर्यन सुर्वे, आर्यन पावसकर, सौरभ आग्रे, कुंज गोरूले, निनाद सावंत, यश कदम, सम्यक कदम, सर्वेश सुवारे, सुमित दुदम आणि शुभम कळंबटे.
मुलींचा संघ ः दिव्या सनगले (कर्णधार), प्रिती सनगले (उपकर्णधार), पूर्वा टक्के, दीपाली सनगले, तन्वी जाधव, सलोनी जाधव, सानिका आग्रे, सिद्धी भागडे, सिद्धी चोरगे, सिद्धी धावडे, सृष्टी आग्रे, स्नेहा गावडे, स्नेहल धामणे आणि सिद्धी पर्शराम.