-संगमेश्वरची सुकन्या बनली मेट्रो वूमन

- rat३१p१०.jpg-
P२४N२२४१६
संगमेश्वर ः माभळे येथील राखी घडशीचा संगमेश्वर पोलिस ठाण्यात सत्कार करण्यात आला.
-----------

संगमेश्वरची राखी घडशी बनली ‘मेट्रो वूमन’

मेट्रोचालकपदी नियुक्ती ; पोलिस ठाण्यात सत्कार

सकाळ वृत्तसेवा
संगमेश्वर, ता. ३१ ः सध्याच्या प्रगत होत चाललेल्या काळात धाडसाने आपण वैयक्तिक प्रगती करावी व त्यासाठी परिश्रमाने झेप घ्यावी अशी जिद्द व खुणगाठ मनाशी बांधून मेट्रोचालकपदी माभळे घडशीवाडीतील राखी संदीप घडशी रुजू झाली आहे. या यशाबद्दल तिचा संगमेश्वर पोलिस ठाण्यात गौरव करण्यात आला.
दिवाळीसाठी राखी माभळे येथील गावी आली आहे. पैसा फंड संगमेश्वर येथे बारावीपर्यंत शिक्षण घेऊन सावर्डे येथे इलेक्ट्रॉनिक्स अँड टेलिकम्युनिकेशन हा दोन वर्षाचा कोर्स तिने केला. त्यानंतर ऑनलाइन भरतीसाठी अर्ज केला होता. त्यातून तिची निवड झाली. तीन महिन्याचे खास प्रशिक्षण होऊन मेट्रोचालकपदी ती रुजू झाली. ही बाब येथील महिलांसाठी व कुटुंबासाठी भूषणवह असल्याचे सांगून तिच्या पुढील वाटचालीस पोलिस निरीक्षक अमित यादव, पोलिस उपनिरीक्षक चंद्रकांत कांबळे, पोलिस उपनिरीक्षक प्रशांत शिंदे, पोलिस अंमलदार आदींनी तिला शुभेच्छा दिल्या. याप्रसंगी राखीला ज्या ज्या मंडळींनी मदत केली त्यांचा नामोल्लेख तिने न विसरता केला व त्यांना धन्यवाद दिले. याप्रसंगी राखीचे वडील संदीप घडशी, चुलते प्रकाश घडशी, आजोबा विनायक घडशी, कृष्णा घडशी व पोलिस ठाण्यातील कर्मचारी उपस्थित होते.