विद्यार्थ्यांना प्लास्टिक कचरा व्यवस्थापनाचे धडे

-rat३१p१२.jpg-
P२४N२२४१८
चिपळूण ः विद्यार्थ्यांना पर्यावरण संवर्धनासंदर्भात मार्गदर्शन करताना सह्याद्री निसर्ग मित्र संस्थेचे सागर रेडीज. शेजारी मुख्याध्यापक रोहित जाधव, शिक्षिका समिधा डांगे, संध्या बोराटे आदी.
----------

विद्यार्थ्यांना प्लास्टिक कचरा व्यवस्थापनाचे धडे

सह्याद्री निसर्ग मित्र संस्थेचा उपक्रम ; दलवाई हायस्कूलमध्ये कार्यक्रम
सकाळ वृत्तसेवा
चिपळूण, ता. ३१ ः मिरजोळी येथील दलवाई हायस्कूलमध्ये पर्यावरण संवर्धन या उपक्रमांतर्गत प्लास्टिक कचरा व्यवस्थापन मार्गदर्शन वर्ग घेण्यात आला. सह्याद्री निसर्ग मित्र संस्थेचे सागर रेडीज यांनी विद्यार्थ्यांना मार्गदर्शन केले. दैनंदिन वापरात असणाऱ्या प्लास्टिक वस्तूचे पर्यावरणावर होणारे गंभीर परिणामांची माहिती त्यांनी दिली.
प्लास्टिक आपल्यासाठी किती घातक आहे. तसेच प्लास्टिक कचरा परिसरात फेकून न देता त्यापासून पुनर्निर्माण झाली पाहिजे, अन्यथा माणसाप्रमाणेच पशु-पक्षी यांना प्लास्टिक प्रदूषणाचे दुष्परिणाम गंभीर पद्धतीने सहन करावे लागतील अशी भीती सागर रेडीज यांनी व्यक्त केली. सह्याद्री निसर्ग मित्र संस्थेच्या माध्यमातून प्लास्टिक कचरा व्यवस्थापन कसे केले जाते, विद्यार्थ्यांनी स्वच्छ प्लास्टिक कसे संकलन करावे याची माहिती दिली. मुख्याध्यापक रोहित जाधव यांनी विद्यार्थ्यांना पर्यावरणाची काळजी कशी घ्यावी व प्लास्टिक निर्मुलनसाठी स्वतः पुढाकार घेऊन प्रयत्न करणे कसे गरजेचे आहे याविषयी मार्गदर्शन केले. या वेळी ज्येष्ठ शिक्षिका समिधा डांगे या उपस्थित होत्या. संध्या बोराटे यांनी आभार मानले.