उटणे

राजकीय नेत्यांकडून
घरोघरी उटण्याचे वाटप
चिपळूण, ता. ३१ : दिवाळीत अभ्यंगस्नानासाठी सुगंधी उटण्यांना महत्त्व असून दिवाळी आली की कपडे, फराळाबरोबरच अभ्यंगस्नानासाठी लागणाऱ्या छोट्याशा सुगंधी उटण्याच्या पाकिटालाही दिवाळी खरेदीत प्राधान्य दिले जाते. यावेळी काही राजकीय नेत्याने घरोघरी सुगंधी उटणे वाटले. सध्या आरोग्यविषयक जागरूकतेमुळे रासायनिक मिश्रणाऐवजी आयुर्वेदिक उटण्यांची मागणी वाढली आहे. दुकानांमध्ये आयुर्वेदिक उटण्यांची मागणी वाढली आहे. ही उटण्यांची पाकिटे २० रुपयांपासून ५० रुपयांपर्यंत उपलब्‍ध आहेत.
उटण्यांबाबत ग्राहक जागरूक झाले आहेत. नैसर्गिक व पारंपरिक आयुर्वेदिक उटण्याच्या खरेदीकडे कल वाढत आहे. अवघ्‍या १० रुपयांपासून ५० रुपयांपर्यंत उटणे उपलब्‍ध असून अनेकजण भेटवस्‍तू देताना उटण्याचे पाकीटही आवर्जून देतात, असे उत्पादक सुनीता पवार यांनी सांगितले.