माजगाव देऊळवाडीचा नरकासुर ठरला प्रथम

22482

माजगाव देऊळवाडीचा
नरकासुर ठरला प्रथम
सकाळ वृत्तसेवा
बांदा, ता. ३१ः येथील आमची वाडी मित्रमंडळाच्यावतीने आयोजित केलेल्या सिंधुदुर्ग जिल्हा खुल्या नरकासुर स्पर्धेला उस्फुर्त प्रतिसाद मिळाला. स्पर्धेत बांदा शहरासह जिल्ह्यातील व ग्रामीण भागातील तब्बल दहाहून अधिक नरकासुर सहभागी झाले होते. या स्पर्धेत माजगाव देऊळवाडी नरकासुराने प्रथम, एस. के. बॉईज बांदा येथील नरकासुराने द्वितीय तर तृतीय क्रमांक देऊळवाडी बॉईज बांदा यांच्या नरकासुरने मिळविला.
येथील श्री बांदेश्वर मंदिर चौकात झालेल्या या स्पर्धेचे उदघाटन सुनील माजगावकर, ग्रामपंचायत सदस्य आबा धारगळकर, साईप्रसाद काणेकर, माजी सरपंच मंदार कल्याणकर, सुधीर साटेलकर, दीपक सावंत, गजानन गायतोंडे, लवू परब, सचिन वीर, आपा गडकरी, गुरुनाथ साळगावकर, निलेश मोरजकर, राकेश परब, गणेश म्हाडगूत, सिद्धेश कोरगावकर, गौरव सावंत, आशिष सावंत, मंदार माजगावकर, भाग्येश धुरी, प्रथमेश साटेलकर, सर्वेश मुळ्ये आदी मान्यवर उपस्थित होते. विजेत्या स्पर्धकांना रोख पारितोषिके मान्यवरांच्या हस्ते देण्यात आली. स्पर्धेचे सूत्रसंचालन राकेश परब यांनी केले. या स्पर्धेत एकाहून एक सरस अक्राळविक्राळ नरकासुर सहभागी झाले होते. रात्री उशिरापर्यंत झालेल्या या स्पर्धेत नरकासुर पाहण्यासाठी बांदावासियांनी मोठी गर्दी केली होती.