रत्नागिरी- रत्नागिरीत आज सुरेल दिवाळी पाडवा मैफिल

-rat31p31.jpg
N22474
ईशानी पाटणकर, चैतन्य परब

रत्नागिरीत उद्या रंगणार
सुरेल दिवाळी पाडवा मैफल
रत्नागिरी, ता. ३१ : रत्नागिरी बार असोसिएशनतर्फे प्रथमच २ नोव्हेंबरला सूर निरागस हो सुगम, अभंग आणि नाट्यसंगीताची सुरेल दिवाळी पाडवा मैफल आयोजित केली आहे. शनिवारी सकाळी ७ वाजता जयेश मंगल पार्क येथे मैफल रंगणार आहे. या मैफलीत रत्नागिरीतील युवा कलाकार ईशानी पाटणकर आणि चैतन्य परब गायन सादर करणार आहेत. ‘सूर नवा ध्यास नवा’ची स्पर्धक म्हणून इशानीने संगीत क्षेत्रात दमदार पाऊल टाकले. प्राथमिक शिक्षण त्यांनी गुरू विनया परब घेतल्यानंतर सध्या त्या पद्मश्री फेणाणी जोगळेकर यांच्याकडे पुढील शिक्षण घेत आहेत. चैतन्य परब याने सुरुवातीला पं. जयतीर्थ मेवुंडी यांच्याकडे शिक्षण घेतले. आकाशवाणी स्पर्धेत तो देशात दुसरा आला. त्याला भारतरत्न भीमसेन जोशी शिष्यवृत्ती मिळाली आहे. सुरेल स्वरांनी भिजलेल्या या मैफलीचा लाभ रसिकांनी घ्यावा, असे आवाहन आयोजकांतर्फे करण्यात आले आहे. या मैफिलीला उद्योजक आनंद देसाई यांचे सहकार्य लाभले आहे.