भोस्ते घाटातील मृतदेहाच्या तपासासाठी पोलिस तामिळनाडूत

लोगो
भोस्ते घाटातील मृतदेह

तपासासाठी पोलिस तमिळनाडूत
खिशातील काडेपेटीवरून दिशा ः वितरणाची लिंक कोल्हापूरपर्यंत
रत्नागिरी, ता. ३१ : सावंतवाडीतील तरुणाला पडलेल्या स्वप्नामुळे खेड भोस्ते घाटातील मृतदेहाचा उलगडा झाला. तो मृतदेह कोणाचा, हे अजून स्पष्ट झालेले नाही; परंतु त्या मृतदेहाच्या पॅन्टच्या खिशात मिळालेल्या टायगर काडेपेटीवरून पोलिस थेट तमिळनाडूत पोहोचले. त्याची लिंक कोल्हापूर येथील काडेपेटी वितरकापर्यंत आली आहे. त्यापुढे पोलिसांनी तपास सुरू केला आहे. कोल्हापुरातील बेपत्तांचीही पोलिस माहिती घेत आहेत. दरम्यान, स्वप्न सांगणारा तरुण योगेश आर्या अजून गायब आहे. त्याचा मानसोपचार तज्ज्ञांच्या अहवाल प्राप्त झाला असून, त्याला स्वप्न रंगविण्याचा आजार असल्यासे स्पष्ट झाले आहे.
योगेश पिंपळ आर्या (वय ३०, रा. सावंतवाडी, आजगाव) याला खेड भोस्ते घाटातील डोंगरात जंगलात पुरुषाचा मृतदेह असून, तो माझ्या स्वप्नात येऊन मला मदत करा, असे सांगत आहे. १७ सप्टेंबरला याबाबत आर्याने खेड पोलिस ठाण्यात तशी खबर दिली
असून, पोलिसांनी याची नोंद केली आहे. त्यादृष्टीने पोलिस तपास करत आहेत. सावंतवाडीतील तरुणाला पडलेल्या स्वप्नामुळे खेड-भोस्ते घाटातील मृतदेहाचा उलगडा झाला.
पोलिसांनी केलेल्या सखोल चौकशीमध्ये तरुणाने सांगितलेला घटनाक्रम आणि वस्तुस्थितीमध्ये प्रचंड तफावत असल्याने हा सर्व बनाव असल्याचे म्हणणे आहे. मृताची ओळख पटवण्यासाठी पोलिसांची धडपड सुरू आहे. संबंधित तरुणाची मानसोपचार तज्ज्ञांद्वारे तपासणी केली जाणार होती.

काडेपेटी हाच दुवा
पोलिसांना मृतदेहाच्या अंगावर असलेल्या कपड्यामध्ये टायगर काडेपेटी सापडली. वेगळा ब्रॅण्ड असल्याने मृतदेहाची ओळख पटण्यासाठी काडेपेटी बॉक्सवरून पोलिस थेट तमिळनाडूपर्यंत पोहोचले. तेथून ही काडेपेटी कोल्हापूर येथील वितरकाकडून वितरित झाल्याचे समजते. त्यामुळे पोलिस आता कोल्हापूर येथे या प्रकरणाची लिंक लागते का, याचा तपास करत आहेत. मृतदेह कोणाचा हे ओळख पटल्यास या प्रकरणाचा उलगडा होण्यास मदत होणार आहे.