देवगड किनारी भागात विजांचा लखलखाट पाऊस

22543

देवगड किनारी भागात
विजांचा लखलखाट पाऊस
सकाळ वृत्तसेवा
देवगड, ता. ३१ : तालुक्याच्या किनारी भागात विजांचा लखलखाट आणि ढगांचा गडगडाट करीत जोरदार पाऊस झाला. सायंकाळी उशिरा पावसाने हजेरी लावली. विजांसह पावसाने शहराला चांगलेच झोडपून काढले. पावसामुळे शहरातील वीज पुरवठा खंडित झाला होता.
मध्यंतरी पावसाने विश्रांती घेतली होती. मात्र दोन दिवसांपासून वातावरणातील उकाडा वाढला होता. त्यात आज सायंकाळी येथे जोराच्या वीजा चमकून ढगांचा गडगडाट करीत जोरदार पाऊस झाला. पावसामुळे शहराचा विद्युत पुरवठा खंडित झाला होता. पावसामुळे सर्वत्र शुकशुकाट जाणवत होता. आजपासून दीपावली सण सुरू झाला. मात्र, पहिल्याच दिवशी पावसाने चांगलेच झोडपून काढले. वीज नसल्याने उत्साहावर विरजण पडले. फटाके फोडता येत नसल्याने बच्चे कंपनी हिरमुसली होती. उशिरापर्यंत वीज पुरवठा सुरळीत झाला नव्हता.