संगमेश्वर-रेल्वे अपघातात दिल्लीतील युवकाचा मृत्यू

दिल्लीतील युवकाचा
रेल्वे अपघातात मृत्यू
संगमेश्वर : संगमेश्वर रेल्वेस्टेशनजवळ रेल्वेतून पडून जखमी झालेल्या दिल्लीतील ३५ वर्षीय युवकाचा मृत्यू झाला आहे. अस्लम कासीम अली (वय ३५, रा. श्रीराम कॉलनी, करावलनगर, नॉर्थ-ईस्ट दिल्ली) हा २१ ऑक्टोबरला सायंकाळी साडेसहाच्या सुमारास रेल्वे ट्रॅकवरून पडल्याने गंभीर जखमी झाला होता. त्याला रेल्वे कर्मचाऱ्यांनी तत्काळ ग्रामीण रुग्णालयात दाखल केले. प्राथमिक उपचारानंतर पुढील उपचारासाठी त्याला १०८ रुग्णवाहिकेतून रत्नागिरीत शासकीय रुग्णालयात हलविण्यात आले; मात्र उपचार सुरू असताना रात्री त्याचा मृत्यू झाल्याची माहिती वैद्यकीय अधिकारी डॉ. श्रेयश माईन यांनी दिली.