बांद्यातील कचरा गाड्या दुरुस्त न केल्यास ''भीक मांगो'' आंदोलन
00582
बांद्यातील कचरा गाड्या
दुरुस्त न केल्यास आंदोलन
धुरी, कल्याणकर ः ग्रामपंचायतीला इशारा
सकाळ वृत्तसेवा
बांदा, ता. २६ ः बांदा ग्रामपंचायतीकडील कचरा संकलन गाड्या गेल्या दोन वर्षांपासून किरकोळ कारणांमुळे बंद असून, त्यामुळे गावातील कचरा व्यवस्थापन ठप्प झाले आहे. या निष्क्रियतेविरोधात ग्रामस्थांकडून संताप व्यक्त करण्यात येत आहे. याच पार्श्वभूमीवर सामाजिक कार्यकर्ते शाम धुरी आणि साई कल्याणकर यांनी ‘भीक मांगो’ आंदोलन करण्याची घोषणा केली आहे.
याबाबत त्यांनी प्रसिद्धीपत्रक दिले आहे. त्यात म्हटले आहे की, ‘‘जर १५ दिवसांत बांदा ग्रामपंचायतीने कचरा गाड्या दुरुस्त करून सुरू केल्या नाहीत, तर ग्रामस्थ स्वतः भीक मागून गाड्यांच्या दुरुस्तीसाठी निधी जमा करून ग्रामपंचायतीकडे देतील. तसेच ९ नोव्हेंबरपर्यंत गाड्यांची दुरुस्ती न झाल्यास १० नोव्हेंबरला सकाळी दहापासून बांदा बाजारपेठेत भीक मागो आंदोलन सुरू केले जाईल. गेल्या दोन वर्षांपासून बांदा गावातील दोन्ही कचरा गाड्या बंद असल्याने रस्त्यावर, बाजारपेठेत आणि सार्वजनिक ठिकाणी कचऱ्याचे ढीग साचले आहेत. त्यामुळे दुर्गंधी आणि अस्वच्छता वाढली असून ग्रामस्थ त्रस्त झाले आहेत. या पार्श्वभूमीवर ग्रामपंचायतीने तातडीने कचरा गाड्यांची दुरुस्ती करून कचरा व्यवस्थापन नियमित करावे, अशी ग्रामस्थांची मागणी आहे; अन्यथा भीक मागो आंदोलन उभारून ग्रामपंचायतीला जाग आणू.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.