घरडामध्ये अटल फॅकल्टी डेव्हलपमेंट प्रोग्रॅम

घरडामध्ये अटल फॅकल्टी
डेव्हलपमेंट कार्यक्रम
सकाळ वृत्तसेवा
चिपळूण, ता. २८ ः घरडा इन्स्टिट्यूट ऑफ टेक्नॉलॉजीमध्ये एआयसीटीई ट्रेनिंग अॅण्ड लर्निंग (एटीएएल) अॅकॅडमी या उपक्रमांतर्गत फॅकल्टी डेव्हलपमेंट प्रोग्रॅमचे आयोजन करण्यात आले आहे. हा कार्यक्रम कॉम्प्युटर इंजिनिअरिंग विभाग आणि मेकॅनिकल इंजिनिअरिंग विभाग यांच्या संयुक्त विद्यमाने होणार आहे. इन्टग्रेटिंग एआयएमएल अॅन्ड कॉम्प्युटेशनल टेकनिक्स : ट्रान्सफॉर्मिंग इनोव्हेशन इन इंजिनिअरिंग अॅण्ड सायन्सेस या विषयावर आधारित हा कार्यक्रम ३ ते ८ नोव्हेंबर या कालावधीत ऑनलाईन पद्धतीने होणार आहे. शिक्षक, संशोधक आणि उद्योग क्षेत्रातील व्यावसायिकांना कृत्रिम बुद्धिमत्ता, मशिन लर्निंग आणि कम्प्युटेशनल टेक्निक्स या वेगाने विकसित होणाऱ्या बहुविद्याशाखीय क्षेत्रातील ज्ञान आणि कौशल्ये अधिक समृद्ध करण्यासाठी व्यासपीठ उपलब्ध करून देण्याच्या हेतूने याचे आयोजन केले आहे. यामध्ये प्रख्यात संस्थांमधील विदेशी आणि भारतीय तज्ज्ञ व्यक्तींचे लाइव्ह सत्र, संवादात्मक चर्चा आणि प्रात्यक्षिक प्रशिक्षण होणार आहे. इच्छुकांनी या विशेष संधीचा लाभ घ्यावा, असे आवाहन समन्वयक डॉ. विकास खालकर व प्रा. राजकुमार पवार यांनी केले आहे.