कोळंबमध्ये १७ ला गवळदेव उत्सव

कोळंबमध्ये १७ ला
गवळदेव उत्सव
मालवण : कोळंब भटवाडी येथील गोपाळकृष्ण मंदिरात गवळदेव उत्सव आणि आठवा वर्धापन दिन सोहळ्यानिमित्त १७ रोजी विविध धार्मिक व सांस्कृतिक कार्यक्रमांचे आयोजन केले आहे. यानिमित्त सकाळी साडेआठला मूर्तिपूजा व अभिषेक, अकराला सत्यनारायणाची महापूजा, दुपारी बाराला महाआरती, एकला महाप्रसाद व तीर्थप्रसाद, तीनला ‘श्रीं’चरणी ग्रामस्थांची गाऱ्हाणी, सायंकाळी सातला स्थानिक भजने, रात्री साडेनऊला सांस्कृतिक कार्यक्रम-रेकॉर्ड डान्स व एकांकिका सादर होणार आहे. सर्वांनी लाभ घ्यावा, असे आवाहन श्री गोपाळकृष्ण मंडळ, कोळंब भटवाडी यांनी केले आहे.
..................
वायरी येथे बुधवारी
मराठी रंगभूमी दिन
मालवण : वायरी भूतनाथ येथील भूतनाथ नूतन नाट्य समाज या नाट्य मंडळातर्फे प्रदीप वेंगुर्लेकर यांच्या निवासस्थानी मराठी रंगभूमी दिन सोहळा बुधवारी (ता. ५) साजरा करण्यात येणार आहे. यावेळी सायंकाळी सातला नटराजपूजन करण्यात येणार आहे. नाट्यप्रेमींनी उपस्थित राहावे, असे आवाहन करण्यात आले आहे.
---
रेवंडी भद्रकालीचा
शुक्रवारी जत्रोत्सव
मालवण : तालुक्यातील रेवंडीची ग्रामदेवता श्री देवी भद्रकालीमातेचा वार्षिक जत्रोत्सव शुक्रवारी (ता. ७) साजरा होणार आहे. यानिमित्ताने भद्रकाली मंदिरात विविध धार्मिक कार्यक्रम व रात्री दहिकाला होणार आहे. भाविकांनी जत्रोत्सवास उपस्थित राहावे, असे आवाहन करण्यात आले आहे.