हृषिकेश सामंत सहसंपर्कप्रमुखपदी

01866

हृषिकेश सामंत सहसंपर्कप्रमुखपदी
मालवण ः शिवसेना-युवासेना कुडाळ-मालवण विधानसभा मतदारसंघ हृषिकेश सामंत यांची युवासेना शहर सहसंपर्कप्रमुखपदी नियुक्ती करण्यात आली. शिवसेना जिल्हाप्रमुख दत्ता सामंत यांच्या उपस्थितीत युवासेनेचे जिल्हाप्रमुख संग्राम साळसकर यांनी ही नियुक्ती जाहीर केली. सामंत यांनी शिवसेना प्रमुख बाळासाहेब ठाकरे यांचे विचार आणि आनंद दिघे यांची शिकवण आत्मसात करून सर्वांना सोबत घेऊन काम करावे आणि शिवसेना विस्तारासाठी कार्यरत राहावे, असा विश्वास व्यक्त करण्यात आला. त्यांच्या सामाजिक आणि राजकीय क्षेत्रातील भावी वाटचालीस युवासेनेने शुभेच्छा दिल्या. यावेळी जिल्हा संघटक महेश कांदळगावकर, शहरप्रमुख दीपक पाटकर, सोनाली पाटकर, निशय पालेकर आदी उपस्थित होते.
..........................
01867
श्रीधर पेडणेकर यांचा सत्कार
कुडाळ ः शिवसेना ओबीसी व्हीजेएनटी सेलचे महाराष्ट्र राज्य उप प्रदेशाध्यक्ष श्रीधर पेडणेकर यांच्या वाढदिनी झाराप येथील शिवसेना कार्यालयामध्ये त्यांना शुभेच्छा देण्यात आल्या. यावेळी ओबीसी व्हीजेएनटी महिला जिल्हाप्रमुख वर्षा कुडाळकर, कुडाळ तालुकाप्रमुख रुपेश पिंगुळकर, महिला तालुकाप्रमुख अनघा रांगणेकर, चैतन्य कुडाळकर, ममता झोरे, संघटक कानू शेळके आदी उपस्थित होते.