तिन्ही मार्गांवर रविवारी ब्लॉक

तिन्ही मार्गांवर उद्या मेगा ब्लॉक
मुंबई : मध्य, पश्चिम आणि हार्बर रेल्वे मार्गावर रविवारी (ता. १५) अभियांत्रिकी आणि देखभालीच्या कामांसाठी उपनगरीय विभागांवर मेगा ब्लॉक घेण्यात येणार आहे. ब्लॉक कालावधीत सीएसएमटी-कुर्ला-सीएसएमटी आणि पनवेल-वाशी-पनवेल विभागादरम्यान विशेष लोकल चालवल्या जातील. ब्लॉकदरम्यान हार्बर मार्गावरील प्रवाशांना ठाणे- वाशी/नेरूळ स्थानकांतून सकाळी १० ते सायंकाळी ६ वाजेपर्यंत प्रवासाची परवानगी असेल, अशी माहिती मध्य रेल्वेने दिली. माटुंगा-मुलुंड अप आणि डाउन जलद मार्गावर, हार्बर मार्गावर कुर्ला आणि वाशी अप आणि डाऊन मार्गावर तसेच चर्चगेट ते मुंबई सेंट्रलदरम्यान अप आणि डाऊन जलद मार्गावर हा ब्लॉक असणार आहे.