कोकण मंडळाची जूनमध्ये सोडत

ठाणे, विरार घरांची जाहिरात जूनमध्ये
मुंबई : म्हाडाच्या कोकण गृहनिर्माण व क्षेत्रविकास मंडळाच्या ठाणे, विरार येथे एक हजार २०० घरांच्या सोडतीची जाहिरात जूनमध्ये काढण्यात येणार असल्याचे जाहीर करण्यात आले आहे. या सोडतीमध्ये म्हाडा योजना, पंतप्रधान आवास योजना आणि खासगी विकसकांकडून म्हाडाला प्राप्त झालेल्या २० टक्के योजनेतील घरांचा समावेश असेल, असे म्हाडाचे मुख्य अभियंता-३ शिवकुमार आडे यांनी सांगितले. कोकण मंडळाने मागील वर्षी १४ ऑक्टोबर रोजी ८ हजार ९८४ घरांची सोडत काढली होती. या सोडतीसाठी २ लाख ४६ हजार ६५० विक्रमी अर्ज प्राप्त झाले होते. २० टक्के योजनेतील घरांसाठी मोठ्या प्रमाणात अर्ज आले होते.