मुंबईत दिवसभरात ६९५ नवे कोरोनाबाधित

मुंबईत बाधित संख्येत घट
मुंबई : कोरोनाची चौथी लाट वेळीच रोखण्यात महापालिकेला यश आल्याने रोज आढळणाऱ्या रुग्णसंख्येत झपाट्याने घट होत आहे. मुंबईत बुधवारी (ता. ६) दिवसभरात ६९५ नव्या कोरोना रुग्णांची नोंद झाली. त्यामुळे मुंबईत कोरोनाबाधित रुग्णांची संख्या ११ लाख १६ हजार ८२७ वर पोचली आहे; तर दिवसभरात शून्य मृत्यूची नोंद झाल्याने मृतांची संख्या १९ हजार ६२० वर स्थिरावली आहे. दरम्यान, दिवसभरात एक हजार ५०४ रुग्णांनी कोरोनावर मात केल्याने आतापर्यंत १० लाख ९१ हजार ६०७ रुग्णांनी कोरोनाला हरविले आहे. त्यामुळे मुंबईत सध्या पाच हजार ६०० सक्रिय रुग्ण आहेत.