दरेकर यांची याचिका मागे

मजूर असल्याबाबतची याचिका
प्रवीण दरेकरांकडून अखेर मागे
मुंबई : भाजपचे नेते प्रवीण दरेकर यांनी सहकार विभागाच्या निर्णयाविरोधात केलेली याचिका सोमवारी मुंबई उच्च न्यायालयातून मागे घेतली. दरेकर यांनी मुंबई सहकारी बँकेच्या निवडणुकीत मजूर सदस्य दाखवून निवडणूक लढवली, असा आरोप करण्यात आला आहे. याबाबत सहकार विभागाने त्यांचा अर्ज नामंजूर केला आहे आणि त्यांच्याविरोधात निकाल दिला आहे. याविरोधात त्यांनी उच्च न्यायालयात याचिका केली होती. महाविकास आघाडी सरकार असताना ही याचिका करण्यात आली होती. प्रवीण दरेकर यांच्या वतीने सोमवारी अॅड. हेमांगी गोडबोले यांनी ही याचिका मागे घेत असल्याची माहिती न्यायालयात दिली. न्यायालयाने ही मागणी मान्य केली आहे. मी मजूर असल्यामुळे त्या वर्गातून अर्ज दाखल केला, असा दावा दरेकर यांनी केला आहे.