मिठी नदीवरील पुलाचे लवकरच रुंदीकरण

माहिम कॉजवे पुलाचे रुंदीकरण
मुंबई, ता. ६ : मिठी नदीवरील माहीम कॉजवे येथील पुलाचे लवकरच रुंदीकरण होणार आहे. यासाठी नदीकिनाऱ्यावरील काही बांधकामे तोडावी लागणार आहेत. ही बांधकामे पुढील ७ दिवसांत स्वतःहून तोडावीत, अशा नोटिसा महापालिकेच्या पूल विभागाकडून देण्यात आल्या आहेत. मात्र येथील घरांना नियमानुसार महापालिकेने पर्याय सुचवला असला, तरी रहिवासी मात्र समाधानी नाहीत. रहिवाशांना विश्वासात घेऊन पुनर्वसन करण्यास प्रशासन टाळाटाळ करत असल्याचा आरोप रहिवाशांकडून केला जात आहे.