मुंबई-गोवा महामार्गावर एसटीला आग

महामार्गावर एसटी बस जळून खाक
पनवेल ः महाराष्ट्र परिवहन मंडळाच्या बसला आग लागण्याची घटना शुक्रवारी (ता. १३) मुंबई-गोवा महामार्गावर कर्नाळा अभयारण्य परिसरात घडली. या आगीत बस पूर्णपणे जळून खाक झाली; पण यात कुठलीही जीवितहानी झाली नाही. बस मुंबईकडून महाडकडे निघाली होती. बसमध्ये ५२ प्रवासी होते. आग लागल्याचे समजताच सर्व प्रवासी बसमधून खाली उतरले. घटनेची माहिती मिळताच अग्निशमन दलाचे जवान घटनास्थळी पोहोचले. काही वेळेतच त्यांनी आगीवर नियंत्रण मिळवले; पण तोपर्यंत बसचे मोठे नुकसान झाले होते. शॉर्टसर्किटमुळे ही आग लागल्याचा अंदाज आहे.