मराठी पाट्यांसाठी पालिका आग्रही

मराठी पाट्यांसाठी मुंबईतील
रडारवर पाच हजार दुकाने
मुंबई ः मुंबई महापालिका हद्दीत सर्व दुकाने व आस्थापनांवर मराठी भाषेत पाट्या लावण्यासाठी ३१ मेपर्यंत कालमर्यादा निश्‍चित आहे. महापालिकेने याबाबत पडताळणीसाठी काही पथकांची नेमणूक केली असून पाच हजार दुकाने महापालिकेच्या रडारवर असल्याची माहिती आहे. त्यानुसार येत्या काळात या दुकानांवर कारवाई होण्याची शक्यता आहे. त्यामुळे येत्या ३१ मेपूर्वीच नामफलकांमध्ये बदल करण्याचे आदेश प्रशासनाने दिले आहेत. नियमानुसार प्रत्येक आस्थापनेच्या नामफलकावर सुरुवातीला मराठी भाषेचा वापर केलेला असावा, तसेच मराठी भाषेतील टंक आकार इतर कोणत्याही भाषेतील अक्षरापेक्षा कमी ठेवता येणार नाही. याशिवाय ज्या आस्थापनांमध्ये मद्य पुरवले जाते किंवा विकले जाते अशा आस्थापनांवर महान व्यक्तींची किंवा गड-किल्ल्यांची नावे लिहिलेली नकोत, अशा पद्धतीने नामफलक प्रदर्षित केलेले असावेत, असे महापालिकेने स्पष्ट केले आहे.