क्रिप्टोकरन्सीमध्ये गुंतवणुकीच्या नावाखाली महिलेची ७ लाखांची फसवणूक

क्रिप्टोच्या मोहापायी सात लाख बुडाले
मुंबई : क्रिप्टोकरन्सीमध्ये गुंतवणूक करून झटपट पैसे कमावण्याच्या मोहापायी मुंबईतील ४२ वर्षीय महिलेची सात लाखांची फसवणूक झाली. एका व्हॉट्सअॅप ग्रुपच्या माध्यमातून पीडित महिलेला ९ जून रोजी ‘बीटीसी वेल्थ ग्रुप २२’ या व्हॉट्सॲप ग्रुपमध्ये तिचा समावेश करण्यात आला. ग्रुपमधील सदस्यांकडून क्रिप्टोकरन्सीतून मोठ्या प्रमाणात नफा कमावण्याचे आश्वासन दिले. पीडितेने त्यावर विश्वास ठेवत सात लाख रुपयांची गुंतवणूक केली. काही दिवसांनंतर पीडितेने ग्रुप अॅडमिन जेसिका नामक व्यक्तीशी संपर्क साधला. त्यानंतर तिने पीडितेला दोन ॲप डाऊनलोड करण्यास सांगितले; काही दिवसांतच आपली फसवणूक झाल्याचे त्यांच्या लक्षात आले.