रस्तेकामासाठी अनुभवी कंत्राटदारच नेमा

रस्त्यांवर २१ वर्षात २४ हजार कोटी
मुंबई : मुंबई महापालिकेने शहरातील रस्त्यांवर २४ वर्षांमध्ये तब्बल २१ हजार कोटी रुपये खर्च केले आहेत. तरीही त्यांची अवस्था अतिशय बिकट आहे. यंदाच्या पावसाळ्यातही मुंबईकरांना मोठ्या प्रमाणात खड्ड्यांच्या समस्येला सामोरे जावे लागत आहे. त्यामुळेच भाजपचे आमदार अमित साटम यांनी पालिकेला काही सूचना केल्या असून त्यात काही शिफारशीही आहेत. शिफारशीचे पत्र त्यांनी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनाही पाठवले आहे. काही अटी व शर्तीअन्वये फक्त मोठ्या इन्फ्रास्ट्रक्चर कंपन्यांनाच निविदा प्रक्रियेत सहभागी होता येईल अशी तरतूद असावी, अशी मागणी त्यांनी केली आहे.