खड्डा भरल्यावर दोन मिनिटांत वाहतूक सुरू

भर पावसातही खड्डे बुजणार
मुंबई : गेल्या काही वर्षांत सातत्याने खड्डे बुजवण्यासाठी नवनव्या तंत्रज्ञानाचा वापर करणाऱ्या मुंबई महापालिकेने आणखी एका प्रयोग करण्याचे ठरवले आहे. भर पावसातही ‘रिॲक्टिव्ह अस्फाल्ट टेक्नोलॉजी’चा वापर डांबरी रस्त्यावर करण्यात येणार आहे. नव्या तंत्रज्ञानामुळे धो धो पावसातही कमी वेळेत खड्डा बुजवणे शक्य होणार आहे. विशेष म्हणजे, खड्डा बुजवल्यानंतर दोन मिनिटांत वाहने धावू शकणार आहेत. त्याबाबतची निविदा प्रक्रिया सुरू झाल्याची माहिती पालिकेच्या रस्ते विभागाकडून देण्यात आली. अशा पद्धतीने रस्तेदुरुस्तीसाठी पालिका दोन कोटी रुपये खर्च करणार आहे.