मराठी ओटीटी प्लॅटफॉर्म ‘अल्ट्रा झकास’

मराठी ओटीटी प्लॅटफॉर्म
‘अल्ट्रा झकास’ लाँच
पुणे, ता. २१ ः मनोरंजन विश्वात १९८२ पासून अग्रगण्य असलेल्या ‘अल्ट्रा मीडिया ॲण्ड एंटरटेनमेंट’तर्फे आता गुढी पाडव्याच्या निमित्ताने मराठी ओटीटी प्लॅटफॉर्म ‘अल्ट्रा झकास’ लाँच केला आहे. या नव्या मराठी ओटीटी प्लॅटफॉर्मवर दर्जेदार आणि उत्तम नवे चित्रपट, टीव्ही शो, वेब सीरिज, पाककला, लहान मुलांचे माहितीपट आणि इतर व्हिडिओ असा खजिना उपलब्ध होईल. तसेच ‘गाव आले गोत्यात, १५ लाख खात्यात’ आणि ‘रौद्र’च्या या मराठी चित्रपटांचे खास प्रीमियर होणार आहे.
याबाबत ‘अल्ट्रा मीडिया आणि एंटरटेनमेंट’चे सीईओ सुशीलकुमार अग्रवाल म्हणाले, ‘‘आमच्या नवीन ओटीटी प्लॅटफॉर्म ‘अल्ट्रा झकास’वर प्रेक्षकांना उच्च- गुणवत्तेचा मनोरंजनात्मक कंटेंट उपलब्ध होणार आहे. या प्लॅटफॉर्मवर ॲक्शन, ड्रामा, कॉमेडी, रोमान्स आणि आदी विविध प्रकार कंटेंट असेल. हा प्लॅटफॉर्म स्मार्टफोन, टॅब्लेट आणि स्मार्ट टीव्हीसहित सर्व प्रमुख उपकरणांवर आहे.’’
‘अल्ट्रा झकास’चे बिझनेस प्रमुख वेंकट गारापाटी यांनी सांगितले की, या प्लॅटफॉर्मवर मराठी प्रेक्षकांसाठी विविध हॉलिवूड चित्रपटसुद्धा मराठी भाषेत डब केले आहेत. अल्ट्रा मीडिया ॲण्ड एंटरटेनमेंटच्या डीजिटल मार्केटिंगच्या प्रमुख ब्रिंदा अग्रवाल म्हणाल्या की, या प्लॅटफॉर्मवर ब्लॉकबस्टर चित्रपटांपासून, प्रख्यात टीव्ही शो आणि माहितीपटांपर्यंत प्रत्येक वयोगटासाठी बरंच काही आहे. ‘अल्ट्रा झकास’ ॲप प्ले स्टोअर आणि ॲप स्टोअरवर आहे. या प्लॅटफॉर्मवर प्रेक्षकांना एका लॉगिनवर पाच अकाउंट तयार करता येतील.