मेस्सी बालपणीच्या मैत्रिणीसोबत विवाहबंधनात

Lionel Messi Weds Childhood Sweetheart Antonella Roccuzzo
Lionel Messi Weds Childhood Sweetheart Antonella Roccuzzo

रोसारिओ - आधुनिक फुटबॉलचा सुपरस्टार लिओनेल मेस्सी बालपणीची मैत्रीण अँटोनेला रोकुझ्झोबरोबर विवाह बंधनात अडकला. 

जगभरातील क्रीडा क्षेत्रात लोकप्रिय असलेल्या मेस्सी बरीच वर्षे अँटोनेलासोबत लिव्ह-इन-रिलेशनशिपमध्ये राहत होता. त्यांना दोन मुले आहेत. अखेर शुक्रवारी रात्री ते दोघे विवाहबद्ध झाले. त्या विवाहासाठी दिग्गज वऱ्हाडी उपस्थित होते. त्यामध्ये मेस्सीचा बार्सिलोनातील सहकारी गेरार्ड पिके आणि त्याची पत्नी पॉप स्टार शकिराचाही समावेश होता.

मेस्सी अर्जेंटिनाचा असला तरी त्याचे फुटबॉल विश्‍व स्पेनमधील बार्सिलोना क्‍लब हे आहे. त्यामुळे स्पेनच्या संघातील अनेक दिग्गज फुटबॉलपटू विवाह सोहळ्याला उपस्थित होते. बार्सिलोनातील त्याचे सहकारी ब्राझीलचा नेमार, लुईस सुआरेझ असे एकूण २५० पर्यंत वऱ्हाडी उपस्थि होते. काही दिवसांपूर्वीच ३० वा वाढदिवस साजरा करणाऱ्या मेस्सीला दोन मुले आहेत. ४ वर्षीय थियागो आणि एका वर्षाचा मॅटिओ अशी त्यांची नावे आहेत. लग्नसोहळ्यासाठी अँटोनेलाने जगप्रसिद्ध स्पॅनिश डिझायनर रोसा क्‍लाराने तयार केलेला ड्रेस परिधान केला होता. क्‍लाराने हॉलिवूड स्टार इवा लोंगोरिया आणि सोफिया वर्गेरा यांच्यासह स्पेनची राणी लेतिझिया यांच्या ड्रेसचे डिझाइन केलेले आहेत. या लग्नसोहळ्यासाठी जगभरातील १५५ पत्रकारांनाही निमंत्रण देण्यात आले होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com