AUS vs IND, 1st T20I : नटराजन-चहलसमोर कांगारु हतबल, भारताचा दिमाखदार विजय

सकाळ ऑनलाईन
Friday, 4 December 2020

नटराजन आणि चहलने प्रत्येकी तीन-तीन विकेट्स घेत कांगारुंच्या बलाढ्य वाटणाऱ्या बॅटिंग लाईनअपला सुरुंग लावला.

Australia vs India, 1st T20I : पहिला टी-20 सामना खेळणाऱ्या टी नटराजन आणि फिरकीपटू युजवेंद्र चहल याच्या फिरकीसमोर कांगारुंचा संघ हतबल ठरला. भारतीय संघाने पहिल्या टी-20 सामन्यात विजय मिळवत वनडे मालिकेतील पराभवाची परत फेड करण्यासाठी सज्ज असल्याचे संकेत दिले आहेत. प्रथम फलंदाजी करताना टीम इंडियाने 7 बाद 161 धावा केल्या होत्या. या धावांचा पाठलाग करताना कांगारुंचा संघ निर्धारित 20 षटकात 7 बाद 150 धावांपर्यंतच मजल मारु शकला. फिंच 35, शॉर्ट 34 आणि हेन्रिक्सच्या 30 धावा वगळता अन्य कोणत्याही फलंदाजाला तग धरता आला नाही.  

लोकेश राहुलचे अर्धशतक (51) आणि अखेरच्या षटकात रविंद्र जडेजानं केलेल्या नाबाद 43 धावांच्या फटकेबाजीच्या जोरावर टीम इंडियाने ऑस्ट्रेलियासमोर धावांचे 162 धावांचे लक्ष्य ठेवले होते.  

वनडे मालिकेतील पहिल्या दोन सामन्यातील पराभवातून सावरत भारतीय संघाने तिसरी वनडे जिंकली. अखेरच्या वनडेतील विजयाने आत्मविश्वास उंचावलेला भारतीय संघ टी-20 मालिका जिंकण्याच्या इराद्याने मैदानात उतरला होता. ऑस्ट्रेलियाने या सामन्यात नाणेफेक जिंकून प्रथम गोलंदाजी करण्याचा निर्णय घेतला होता. 

शिखर धवन आणि लोकेश राहुलने भारताच्या डावाला सुरुवात केली. सलामीवीर शिखर धवन अवघ्या एका धावेची भर घालून तंबूत परतला. त्याच्यापाठोपाठ कर्णधार विराट कोहलीही स्वस्तात माघारी फिरला. त्याने 9 धावांची भर घातली. लोकश राहुलच्या 51 धावा वगळता कोणत्याही भारतीय फलंदाजाला नावाला साजेसा खेळ करता आला नाही.  अखेरच्या षटकात जडेजाने उपयुक्त फटकेबाजी करत संघाच्या धावसंख्येत 160 पार नेली. त्याने 43 धावांची नाबाद खेळी केली. 

सामन्याचे अपडेट्स :

भारतीय संघाने पहिल्या सामन्यातील विजयासह तीन सामन्यांच्या मालिकेत 1-0 अशी आघाडी घेतली आहे.

127-7 : मार्शच्या रुपात नटराजनला पदार्पणातील सामन्यातील तिसरे यश
 

Image

126-6 : हेन्रिकसच्या खेळीला चाहरने लावला ब्रेक, 30 धावा करुन तो तंबूत परतला
122-5 : मॅथ्यू हेड चहलच्या फिरकीच्या जाळ्यात, त्याने संघाच्या धावसंख्येत अवघ्या 7 धावांची भर घातली
113-4 : नटराजनला आणखी एक यश, शॉर्टला पांड्याकरवी 34 धावांवर धाडले माघारी
75-3 : मॅक्सवेल स्वस्तात माघारी, नटराजनचे आंतरराष्ट्रीय टी-20 तील पहिली शिकार

Image
72-2: चहलला दुसरे यश, स्मिथला 12 धावांवर धाडले तंबूत
56-1 : फिंचच्या रुपात ऑस्ट्रेलियाला पहिला धक्का, चहलला मिळाले यश

Image

----------------------------------------------------------------------------------------

152-7​ : स्टार्कने घेतली वॉशिंग्टनची विकेट, त्याने 7 धावांची भर घातली

114-6 : हेन्रिक्सनं पांड्याला धाडले तंबूत, त्याने 15 चेंडूत 1 षटाकाराच्या मदतीने 16 धावांची खेळी केली.

92-5 : भारताचा अर्धा संघ तंबूत, हेन्रीकसनं लोकेश राहुलच्या खेळीला लावला ब्रेक. त्याने 51 धावांची खेळी केली. 

90-4 : मनिष पांडेच्या रुपात टीम इंडियाला चौथा धक्का, झम्पाने अवघ्या 2 धावांवर धाडले माघारी

 86-3 : संजू सॅमसन 23 धावांची खेळी करुन माघारी, 

लोकेश राहुलचे अर्धशतक, डाव सावरण्याच्या दृष्टिने महत्त्वपूर्ण खेळी

Image

48-2 : कोहलीच्या रुपात टीम इंडियाला मोठा धक्का, स्वेपसनला मिळाली विकेट

11-1 : धवन अवघ्या एका धावेवर बाद, स्टार्कला मिळाले यश

 

Image

नाणेफेक जिंकून ऑस्ट्रेलियाने घेतला गोलंदाजीचा निर्णय


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Australia vs India 1st T20I Live Cricket Score Commentary Final Result